Qazaqstanda oqýshy muǵalimniń ar-namysyna nuqsan keltirse, ata-anasy 252 myń 500 teńge aiyppul tóleýi múmkin. Ákimshilik quqyqbuzýshylyq týraly kodekske osyndai ózgeris engizilmek.
Zań jobasy aidyń aiaǵyna deiin "Ashyq úkimettik emes uiymdar" saitynda qoǵamdyq talqyǵa usynylǵan, dep habarlady KTK.
Jańa zań jobasy boiynsha muǵalimniń kásibi jumysyna negizsiz aralasatyndar nemese kedergi keltiretinder 7 275 teńge aiyppul tóleidi. Oqý-tárbie jumystaryna qajetti qural-jabdyq alýdy pedagogtiń moinyna artyp qoiatyndarǵa da osyndai jaza qarastyrylǵan. Al óz mindetine qatysy joq jumysqa jegetinder 25 250 teńge aiyppul arqalaidy. Eń úlken ákimshilik jaza oqýshylarǵa kelip tur. Kámeletke tolmaǵan bala muǵalimniń ar-namysyna tise, 252 myń 500 teńge aiyppul ata-anasyna nemese olardyń ornyn almastyrǵan kisilerge salynady.
