قازاقستاندا وقۋشى مۇعالٸمنٸڭ ار-نامىسىنا نۇقسان كەلتٸرسە, اتا-اناسى 252 مىڭ 500 تەڭگە ايىپپۇل تٶلەۋٸ مٷمكٸن. ەكٸمشٸلٸك قۇقىقبۇزۋشىلىق تۋرالى كودەكسكە وسىنداي ٶزگەرٸس ەنگٸزٸلمەك.
زاڭ جوباسى ايدىڭ اياعىنا دەيٸن "اشىق ٷكٸمەتتٸك ەمەس ۇيىمدار" سايتىندا قوعامدىق تالقىعا ۇسىنىلعان, دەپ حابارلادى كتك.
جاڭا زاڭ جوباسى بويىنشا مۇعالٸمنٸڭ كەسٸبي جۇمىسىنا نەگٸزسٸز ارالاساتىندار نەمەسە كەدەرگٸ كەلتٸرەتٸندەر 7 275 تەڭگە ايىپپۇل تٶلەيدٸ. وقۋ-تەربيە جۇمىستارىنا قاجەتتٸ قۇرال-جابدىق الۋدى پەداگوگتٸڭ موينىنا ارتىپ قوياتىندارعا دا وسىنداي جازا قاراستىرىلعان. ال ٶز مٸندەتٸنە قاتىسى جوق جۇمىسقا جەگەتٸندەر 25 250 تەڭگە ايىپپۇل ارقالايدى. ەڭ ٷلكەن ەكٸمشٸلٸك جازا وقۋشىلارعا كەلٸپ تۇر. كەمەلەتكە تولماعان بالا مۇعالٸمنٸڭ ار-نامىسىنا تيسە, 252 مىڭ 500 تەڭگە ايىپپۇل اتا-اناسىنا نەمەسە ولاردىڭ ورنىن الماستىرعان كٸسٸلەرگە سالىنادى.
