Búgin Úkimet otyrysynda 2018 jylǵa arnalǵan respýblikalyq biýdjetti naqtylaý týraly zań jobasy maquldandy, dep habarlaidy QazAqparat.
«Sizderdiń nazarlaryńyzǵa aǵymdaǵy jylǵa arnalǵan respýblikalyq biýdjetti naqtylaý týraly zań jobasy usynylyp otyr. Qujat Memleket basshysynyń Qazaqstan halqyna Joldaýlarynda jáne Prezidenttiń 5 áleýmettik bastamalarynda berilgen tapsyrmalaryn iske asyrýǵa baǵyttalǵan. 2018 jylǵa arnalǵan respýblikalyq biýdjettiń bekitilgen kórsetkishterin naqtylaýǵa eldiń ózgertilgen makroekonomikalyq kórsetkishter boljamy negiz boldy. Osylaisha respýblikalyq biýdjet túsimderi 81 mlrd teńgege ulǵaitylyp, 8 trln 759, 7 mlrd teńgeni qurady», - dedi zań jobasyn tanystyrǵan QR Qarjy ministri Baqyt Sultanov.
Ministrdiń aitýynsha, 2018 jylǵa arnalǵan respýblikalyq biýdjet shyǵystary 417 mlrd teńgegeden 425 mlrd teńgege ulǵaiyp, 9 trln 643 mlrd teńgeni quraityn bolady. Osy qarajat kóleminen 292,5 mlrd teńge Memleket basshysynyń «Qazaqstannyń Úshinshi jańǵyrýy: jahandyq básekege qabilettilik» jáne «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» joldaýlaryn iske asyrǵa baǵyttalatyn bolady.
«Birinshi blok adami kapital sapasyn jaqsartýǵa 106 mlrd teńge baǵytalatyn bolady. Onyń ishinde muǵalimderdiń jalaqysyn 30-dan 50 paiyzǵa kóterýge 62 mlrd teńge, Nazarbaev Ýniversitetin odan ary damytýǵa 31 mlrd teńge, múgedekterdiń kútimin júzege asyratyn adamǵa jańa járdemaqy tóleýge 2,7 mlrd teńge baǵyttalady», - dedi Baqyt Sultanov.
Onyń dereginshe, ekonomikanyń naqty sektorlary men aimaqtardy damytýǵa 115 mlrd teńge baǵyttaý usynylady. Onyń ishinde aýyldyq eldi mekenderdi aýyz sýmen qamtamasyz etýge qosymsha 31 mlrd teńge bólinedi. Munan bólek salynyp jatqan turǵyn úi nysandaryna kommýnikatsiialyq infraqurylym tartýǵa 31,5 mlrd teńge, jergilikti joldardy jóndeýge 29 milrd teńge jáne agroónerkásip keshenin kredit jáne lizing boiynsha paiyzdyq mólsherlemelerdi sýbsidiialaý, agroǵylymdy damytýǵa 15,6 mlrd teńge baǵyttalady. Kiber qylmyspen kúres boiynsha is-sharalarǵa 71 mlrd teńge jumsalady.
«Prezidenttiń 5 áleýmettik bastamasy negizindegi is-sharalardy iske asyrýǵa jáne 3, 4 bastamalarǵa 25 mlrd teńge baǵyttaý usynylady. Naqty aitqanda, bilim berý tapsyrysyn 20 myń grantqa ulǵaitýǵa 5 mlrd teńge, mikrokreditteýdi 60 mlrd teńgege jetkizý maqsatynda qosymsha 20 mlrd teńge baǵyttalatyn bolady. Munan basqa biýdjet jobasynda Prezidenttiń tapsyrmalary men buryn qabyldaǵan mindettemeler boiynsha jalpy somasy 99 mlrd teńgeni quraityn shyǵystar eskerildi», - dedi Baqyt Sultanov.
Ministrdiń sózine qaraǵanda, atalǵan shyǵystar aiasynda 25 mlrd teńge Astanany, 11 mlrd teńge Almaty qalalaryn odan ary damytý, áskeri qyzmetshilerdi turǵyn úimen qamtamasyz etý boiynsha is-sharlar men jobalar qarjylandyrylatyn bolady.
Osydan keiin Úkimet basshysy Baqytjan Saǵyntaev 2018 jylǵa arnalǵan respýblikalyq biýdjetti naqtylaý týraly zań jobasy maquldaýdy usynyp, ony Ministrler kabinetiniń músheleri qoldady.
«Premer-Ministrdiń keńsesi Qarjy ministrligimen birlesip, tiisti zań jobasyn 4 sáýirden kesheýildetpei Parlament qaraýyna engizetin bolsyn», - dep tapsyrdy Baqytjan Saǵyntaev.
.jpeg)