Bilim jáne ǵylym ministrligi vedomstvolyq nagradalarymen marapattaý júiesine qatysty jańa ózgeristerdi engizýge negiz bolatyn buiryq daiyndady. Bul týraly QR Bilim jáne ǵylym ministri Ashat Aimaǵambetov Facebook paraqshasyna jazdy, dep habarlaidy "Ult aqparat".
«Jumysta mindetin óte jaqsy oryndaǵan kez kelgen maman tiisti túrde yntalandyrylýy kerek. Bul qyzmettegi ósý ǵana emes, belgili bir jetistikter úshin beriletin aqshalai syiaqylar nemese gramotalar men tósbelgiler bolýy múmkin. Tipti jumystyń sapaly oryndalǵany úshin basshylyq tarapynan aitylatyn alǵystyń ózi úlken motivatsiia beredi. Osy rette kótermeleý júiesiniń mańyzy zor ekeni belgili. Biz marapattardy taǵaiyndaý úderisiniń barynsha obektivti, ashyq jáne meritokratiia qaǵidattaryna tolyǵymen sáikes bolýyna umtylamyz. Osy maqsatta Bilim jáne ǵylym ministrliginiń vedomstvolyq nagradalarymen marapattaý júiesine qatysty jańa ózgeristerdi engizýge negiz bolatyn buiryq daiyndadyq», - dep atap ótken Ashat Aimaǵambetov.
Onyń aitýynsha, bul ministrlik tarapynan usynylatyn diplomdarǵa, gramotalarǵa, tósbelgiler men alǵys hattarǵa qatysty másele.
«Áriptesterimniń arasynda atalǵan marapattardy berýdiń obektivtiligine qatysty birneshe ret suraqtar týyndaǵanyn jasyrmaimyn. Osyǵan bailanysty barlyq kúmándi joiý úshin biz pedagogter, oqý isiniń meńgerýshileri, mektep direktorlary, ádiskerlerden turatyn jumys tobyn qurdyq. Buiryqqa engizilgen usynystardy da dál osy jumys toby ázirledi», - deidi ol.
Ministr bul qujattyń buǵan deiin qoldanysta bolǵan buiryqtan birshama aiyrmashylyǵy bar ekenine basa toqtalǵan.
«Qoiylǵan jańa talaptardyń birnesheýin atap óteiin:
– jumys kórsetkishteriniń naqty tizbesi kórsetiledi;
– kórsetkishter mańyzdylyǵyna qarai ártúrli balmen baǵalanady, básekelestik bolýy úshin marapat kóp ball jinaǵan adamǵa beriledi;
– kótermeleýdiń jańa túrleri engiziledi (deńgei boiynsha bilim berý isiniń úzdigi qurmet gramotasy);
– marapattaý rettilikpen beriledi (birden eń joǵary marapat berilmeidi, rettilik saqtalýy tiis);
– marapat alatyn tulǵalar boiynsha aqparat tsifrlandyrylýy, esepke alynýy jáne ashyqtyq qamtamasyz etilýi tiis.
Atalǵan buiryqqa sáikes marapattardy taǵaiyndaý tártibi naqty retke keltirilgen. Munyń barlyǵy marapatqa úmitkerlerdi ádil jáne ashyq irikteýge, sýbektivti táýekelderdi aitarlyqtai azaitýǵa baǵyttalǵan», - deidi Ashat Aimaǵambetov.
Ol jańa talaptar elimizdegi pedagogtar men ǵalymdardy obektivti ári ashyq marapattaý tártibin qamtamasyz etýge múmkindik beredi dep sanaidy.
«Úmitkerlerdiń jumys ereksheligin eskere otyryp, olardyń qandai da bir marapatqa ie bolý múmkindigin teńestirý úshin biz mektepke deiingi, bastaýysh, orta, orta bilimnen keiingi bilim berý, TjKB pedagogtaryn, JOO oqytýshylary men ǵylymi qyzmetkerlerdi saralaý boiynsha sheshim qabyldadyq. Osylaisha, muǵalimderdiń nemese ǵalymdardyń ár jeke sanatynda básekelestik bolady. Jyl saiyn bizdiń bastamamyz boiynsha pedagogtar men ǵylymi qyzmetkerlerdiń normalanǵan sany marapattalatyn bolady. Bul rette basshylyq mindetterin atqaratyn azamattar sany (direktorlar, meńgerýshiler jáne t.b.) 20 paiyzdan aspaýy tiis.
Marapattaý rásimderi «Táýelsizdik kúni», «Bilim kúni», «Muǵalimder kúni», «Ǵylym qyzmetkerleri kúni» merekelerine orailastyrylady. Sondai-aq jumys toby 25 jyldan astam ýaqyt boiy ustazdyq etken áriptesterimizdi «Mamandyǵyna adaldyǵy úshin» tósbelgisimen marapattaýdy usyndy. Jyldar boiy adal eńbek etken sala ardagerlerin marapattaý mańyzdy dep sanaimyz. Jumys tobynyń pikirinshe, shirek ǵasyr jumys istegen sala mamandary marapattyń osy túrin alý úshin eshqandai qujat tapsyrmasa da bolady», - deidi ol.
Sondai-aq marapattardy alýdyń naqty júieligi engiziledi.
«Ár marapattyń jeke sáikestendirý kody bolady. Ol 12 sannan quralady jáne marapattaý jylyn, mereke kúnin, marapattalǵan adam jumys isteitin salany, kótermeleý túrin jáne rettik nómirin kórsetetin bes bólimnen turady. Endi barlyq marapattalýshylar boiynsha ministrdiń buiryǵy shyǵady. Ol buiryq mindetti túrde Kótermeleýdiń biryńǵai elektrondy esebinde saqtalyp, ministrliktiń internet-resýrsynda jariialanady», - dep jazdy QR Bilim jáne ǵylym ministri.
