Búgin muǵalim mártebesin arttyrý máselesi talqylanyp jatqan Májilis otyrysynda Qaraǵandy oblysy Osakarovka kenti №12 orta mektebi bazasyndaǵy tirek mektebiniń orys tili jáne ádebiet pániniń muǵalimi Azat Igenov birqatar pedagogqa qatysty máselelerdi aityp ótti, dep habarlaidy Baq.kz tilshisi.
«Búginde muǵalimder senbilikke shyǵyp, ózge qaladan, oblystan kelgen ártúrli qonaq qatysatyn esep berý kezdesýlerinde zaldy toltyrýǵa jinaityn bolsa, olardyń mártebesin kóterý týraly aitýdyń ne qajeti bar? Bul másele bizde bar qazir. Sonymen birge jappai muǵalimder «armiiasy» jyl saiyn respýblikalyq, oblystyq, aýdandyq gazetterdiń bárine jazylady. Bul másele kóterilse de, áli bir sheshim joq», - dedi muǵalim.
Bul suraqqa Májilis depýtaty Beibit Mamraev jaýap berdi.
«Senbilik, qoǵamdyq sharalarǵa qatysý týraly aitsaq, biz de kezinde mektepte bilim aldyq, muǵalim beinesi áli jadymda. Ustaz árqashan da bizge úlgi boldy. Bul - birinshiden. Ekinshiden, ustaz – qoǵamdyq mańyzdy tulǵa. Qurmetti áriptester, muny estý sizderge unamasa da, qoǵamda durys, qajetti, rýhani jáne basqa da qundylyqtardy alyp júretin pedagog mamandyǵynyń mánin taǵy da eske salǵym keledi. Osynda bar BAQ ókilderi muny ári qarai ýshyqtyrmaidy dep oilaimyn, bul mindetterdi ustazdar oryndaýǵa mindetti, bul meniń jeke kózqarasym», - dedi depýtat Beibit Mamraev.
