Búgin – muǵalimder kúni. 1994 jyldan beri álemniń 100-den astam elinde qazan aiynyń alǵashqy jeksenbisi muǵalimderdiń tól meiramy bolyp belgilengen. Qazaqstanda muǵalimderdiń kásibi merekesi qazan aiynyń alǵashqy jeksenbisinde atalyp ótedi. Osy oraida, «Ult» portaly qazaqsatndyq ustazdardyń mártebesi týraly qarastyryp kórdi.
Biyl muǵalimderdiń mártebesin kóterý úshin «Pedagog mártebesi» týraly zań qabyldandy. Jańa jyldan bastap ustazdardyń jalaqysy 25 paiyzǵa deiin ósti. Sondai-aq, biyl bolashaq pedagogterdiń stipendiiasy 42 myń teńgege deiin kóterildi.
Sonymen qatar, pedagogterdiń biliktilik sanaty úshin qosymsha aqy alatyn boldy. Osy jyldan bastap kolledj oqytýshylary biliktilik sanatyn kóterip, jalaqysynyń 30-dan 50 protsentine deiin qosymsha aqy alatyn bolady. Bul týraly Bilim jáne ǵylym ministri Ashat Aimaǵambetov tehnikalyq jáne kásiptik bilim berýdiń 80 jyldyǵyna arnalǵan is-sharada aitty.
«2020 jyldyń qańtar aiynan bastap kolledj pedagogterdiń jalaqysy artty, aldaǵy jyldary da arta túspek. Biliktilik sanaty úshin qosymsha aqy tóleý máselesi kóp jyldar boiy kóterilgen bolatyn. Eger mektepterde muǵalimder biliktilik sanattary úshin qosymsha aqy alsa, kolledjderde mundai úrdis bolǵan joq. Endi kolledj oqytýshylary da ai saiyn laýazymdyq jalaqysynyń 30-dan 50 paiyzyna deiin qosymsha aqy alatyn bolady», - dedi ministr.
Esterińizge sala keteiik, buǵan deiin biliktilik sanattary úshin qosymsha tólemderdi tek mektep muǵalimderi alǵan bolatyn. «Pedagog mártebesi týraly» zańnyń qabyldanýymen kolledj pedagogteri de biliktilik sanaty berilgennen keiin ai saiyn qosymsha aqy alatyn bolady. Sondai-aq, kolledj direktorlary men direktor orynbasarlarynyń atqarǵan jumysynyń tiimdiligine bailanysty óz jalaqysynyń 100 protsentine deiin qosymsha aqy alý múmkindigi bar.
Osy oraida, «Jas maman» respýblikalyq jobasy iske asyrylyp jatqanyn esterińizge sala keteiik. Bul joba kolledjderdi suranysqa ie 100 mamandyq boiynsha jańǵyrtý jáne bilikti mamandar daiarlaýdyń halyqaralyq tájiribesin engizý maqsat etken. Bul baǵdarlama elimizdiń 180 kolledjinde júzege asyryla bastady. Osy rette tek tehnikalyq qural-jabdyq satyp alý ǵana emes, sonymen qatar bilim berý baǵdarlamalaryn jańartý da josparlanǵan.
«Eger qazir óńirlik bilim basqarmalary konkýrs ótkizip, memlekettik bilim berý tapsyrysy boiynsha kolledjderge qansha oryn beriletinin anyqtasa, bolashaqta bul sheshimdi stýdentterdiń ózderi qabyldaityn bolady. Stýdentter qai kolledjdiń básekege qabiletti jáne jaqsy bilim beretinin ózderi tańdaidy», – dedi bilim jáne ǵylym ministri.
Esterińizge sala keteiik, búgin – muǵalimder kúni. 1994 jyldan beri álemniń 100-den astam elinde qazan aiynyń alǵashqy jeksenbisi muǵalimderdiń tól meiramy bolyp belgilengen. Qazaqstanda muǵalimderdiń kásibi merekesi qazan aiynyń alǵashqy jeksenbisinde atalyp ótedi. Biyl muǵalimderdiń mártebesin kóterý úshin «Pedagog mártebesi» týraly zań qabyldandy. Jańa jyldan bastap ustazdardyń jalaqysy 25 paiyzǵa deiin ósti. Sondai-aq, biyl bolashaq pedagogterdiń stipendiiasy 42 myń teńgege deiin kóterildi.
