Foto: Mediazona
Qazaqstan musylmandary dini basqarmasy oqýshy qyzdardyń mektepke oramal taǵyp barýyna qatysty týyndaǵan máselege óz málimdemesin jariialady, dep habarlaidy "Ult aqparat".
"Imandy, bilimdi urpaq tárbieleý – árbir ata-ananyń basty maqsaty. Shariǵat boiynsha baliǵat jasyna tolǵan musylman qyzǵa oramal taǵý – paryz. Sol sekildi bilim alýdyń da úkimi – paryz.
Múftiiat shariǵat boiynsha baliǵat jasyna tolǵan musylman qyzǵa oramal taǵý paryz ekenin joqqa shyǵarǵan emes. Sondai-aq oramal taǵý - ulttyq dástúrimiz. Muny musylman qaýymy tereń túsinýi tiis. Alaida shariǵatymyz baliǵat jasyna tolmaǵan qyzǵa oramal taǵýdy mindettemeidi. Muny da musylman jamaǵaty durys túsinýi kerek", - delingen habarlamada.
Jyl saiyn jańa oqý jyly qarsańynda oqýshy qyzdardyń mektepke oramal taǵyp barýyna qatysty qoǵamda túrli pikirler aitylady. QMDB baspasóz qyzmetiniń jazýynsha, bul másele múftiiat qyzmetkerlerin de beijai qaldyrǵan emes.
"QMDB óz quzyreti aiasynda bul máselege qatysty ýákiletti memlekettik mekemelerge tiisti usynystar berdi. Musylman jamaǵatynyń ótinishi eskerilip, oń sheshim qabyldanady dep úmittenemiz.
Alla Taǵala elimizdi túrli búlikten saqtap, halqymyzǵa yntymaq-bereke násip etkei!" - delingen resmi habarlamada.
