فوتو: مەدٸازونا
قازاقستان مۇسىلماندارى دٸني باسقارماسى وقۋشى قىزداردىڭ مەكتەپكە ورامال تاعىپ بارۋىنا قاتىستى تۋىنداعان مەسەلەگە ٶز مەلٸمدەمەسٸن جارييالادى, دەپ حابارلايدى "ۇلت اقپارات".
"يماندى, بٸلٸمدٸ ۇرپاق تەربيەلەۋ – ەربٸر اتا-انانىڭ باستى ماقساتى. شاريعات بويىنشا باليعات جاسىنا تولعان مۇسىلمان قىزعا ورامال تاعۋ – پارىز. سول سەكٸلدٸ بٸلٸم الۋدىڭ دا ٷكٸمٸ – پارىز.
مٷفتييات شاريعات بويىنشا باليعات جاسىنا تولعان مۇسىلمان قىزعا ورامال تاعۋ پارىز ەكەنٸن جوققا شىعارعان ەمەس. سونداي-اق ورامال تاعۋ - ۇلتتىق دەستٷرٸمٸز. مۇنى مۇسىلمان قاۋىمى تەرەڭ تٷسٸنۋٸ تيٸس. الايدا شاريعاتىمىز باليعات جاسىنا تولماعان قىزعا ورامال تاعۋدى مٸندەتتەمەيدٸ. مۇنى دا مۇسىلمان جاماعاتى دۇرىس تٷسٸنۋٸ كەرەك", - دەلٸنگەن حابارلامادا.
جىل سايىن جاڭا وقۋ جىلى قارساڭىندا وقۋشى قىزداردىڭ مەكتەپكە ورامال تاعىپ بارۋىنا قاتىستى قوعامدا تٷرلٸ پٸكٸرلەر ايتىلادى. قمدب باسپاسٶز قىزمەتٸنٸڭ جازۋىنشا, بۇل مەسەلە مٷفتييات قىزمەتكەرلەرٸن دە بەيجاي قالدىرعان ەمەس.
"قمدب ٶز قۇزىرەتٸ اياسىندا بۇل مەسەلەگە قاتىستى ۋەكٸلەتتٸ مەملەكەتتٸك مەكەمەلەرگە تيٸستٸ ۇسىنىستار بەردٸ. مۇسىلمان جاماعاتىنىڭ ٶتٸنٸشٸ ەسكەرٸلٸپ, وڭ شەشٸم قابىلدانادى دەپ ٷمٸتتەنەمٸز.
اللا تاعالا ەلٸمٸزدٸ تٷرلٸ بٷلٸكتەن ساقتاپ, حالقىمىزعا ىنتىماق-بەرەكە نەسٸپ ەتكەي!" - دەلٸنگەن رەسمي حابارلامادا.
