Jambyl oblysynyń politseileri qorasynda 3 qap esirtki saqtaǵan turǵyndy ustady, dep habarlaidy "Ult aqparat".
Jambyl oblysy Politsiia departamentiniń Esirtki qylmysyna qarsy is-qimyl basqarmasynyń qyzmetkerleri Moiynqum aýdanynyń 45 jastaǵy turǵyny ustady.
Onyń qorasyn tintý kezinde jalpy salmaǵy 4 kg 535 gramm úsh qap keptirilgen marihýana tabylyp, tárkilendi. Bul týraly Jambyl oblysy Politsiia departamentiniń Esirtki qylmysyna qarsy is-qimyl basqarmasynyń bastyǵy Asqar Jumabekov habarlady.
Kinásin moiyndaǵan kúdikti Moiynqum aýdanynyń ýaqytsha ustaý izoliatoryna qamaldy.
Qazir Qylmystyq kodekstiń 296-baby 4-bóligi (Asa iri mólsherde esirtki zattaryn zańsyz saqtaý) boiynsha sotqa deiingi tergeý amaly júrgizip jatyr.
