Jambyl oblysynyń Moiynqum aýdanynda mektep qyzmetkerleriniń shotyna zańsyz aqsha aýdaryp, 32 mln teńge jymqyrǵan bilim bóliminiń býhgalteri sottaldy, dep habarlaidy "Ult aqparat".
«Moiynqum aýdandyq sotynyń úkimimen Moiynqum aýdanynyń bilim bóliminiń býhgalteri D.Ersultan 5 jylǵa sottalyp, taǵy 3 jylǵa qarjy salasynda eńbek etý quqyǵynan aiyryldy», - dep habarlady Sybailas jemqorlyqqa qarsy is-qimyl agenttiginiń 1-shi departamentiniń aǵa tergeýshisi Daniiar Bekaidarov agenttikte ótken baspasóz máslihatynda.
Onyń aitýynsha aýdandyq bilim bóliminiń býhgalteri 32 mln teńge jymqyryp ketken.
«Ol 2016 jyldyń 10 qazanynan bastap 2019 jyldyń 28 aqpanyna deiin orta mekteptiń 10 qyzmetkeriniń kartalyq shotyna zańsyz negizde ailyq aýdarý jolymen keiin osy aqshany alyp otyrǵan», - deidi Daniiar Bekaidarov.
