Parlament Májilisi depýtaty Lázzat Ramazanova bala quqyqtary týraly zań jobasyn talqylaý jumystaryna Madiiar Áljapparovtyń qatysýy týraly aitty. "Habar 24" telearnasy efirinde áielder isteri jáne otbasylyq-demografiialyq saiasat jónindegi ulttyq komissiia tóraǵasy óz pikirin bildirdi, - dep habarlaidy Tengrinews.kz.
Áńgime barysynda júrgizýshi Rahym Oshaqbaev "BAQ-ta jariialanǵan aqparattan keiin Madiiar Áljapparov jumys tobynda qala ma?" dep surady. Ulttyq komissiia basshysy atalǵan fakt boiynsha sheshim jasalatynyn aitty.
"Meniń Qazaqstan azamaty retindegi jeke pikirim, kámeletke tolmaǵan jasóspirimdi zorlaǵany úshin jazalanǵan jáne sottalǵan adamdardyń azamattyq qoǵam múddesin dál osy máselede, osy zań jobalarynda qorǵaýǵa moraldyq quqyǵy joq. Bul - meniń azamattyq ustanymym", - dedi Lazzat Ramazanova.
Buǵan deiin áleýmettik jelilerde "turmystyq zorlyq-zombylyqqa qarasty is-qimyl týraly" jáne "Bala quqyqtary týraly" zań jobasyna qarsy belsendilerdiń biri Madiiar Áljapparov kámeletke tolmaǵan balany zorlaǵany úshin sottaldy degen aqparat taraǵan edi. Ol 2010 jyly osy qylmysy úshin jeti jylǵa bas bostandyǵynan aiyrylǵan.
Keiin Nur-Sultan qalalyq soty bul derekti rastady. Al Áljapparov ózin bul qylmysqa kináli emestigin aitty.
Aita keteiik, byltyr kúzide áleýmettik jelilerde Qazaqstanda jańa zańnyń qabyldanýy týraly qaýeset paida boldy. Qujatqa sáikes, úshinshi tulǵa ótinishi boiynsha kez kelgen adamdy 15 táýlikke qamaýǵa alyp, al balalardy otbasynan alyp ketýge bolady. Bul qaýeset Parlament Májilisiniń jalpy otyrysynan keiin paida boldy. Onda depýtattar "turmystyq zorlyq-zombylyqqa qarsy is-qimyl týraly" zań jobasyn birinshi oqylymda maquldady.
2021 jyldyń basynda Prezident Qasym-Jomart Toqaev zań jobasy týraly aitty. Memleket basshysynyń aitýynsha, qazaqstandyq qoǵamda rezonans týdyrǵan qujatty qurǵyndar qaita qarap, barlyq pikirdi eskergen jón ekenin aitty.
Osydan keiin Májilis depýtattary "turmystyq zorlyq-zombylyqqa qarsy is-qimyl týraly" zań jobasyn jetildirýge qaityp aldy. Jan-jaqty talqylaýdan keiin depýtattar zań jobasynyń jańa modelin ázirleýge úmittenedi.
