Foto: QR EM
Moody's Investors Service Qazaqstannyń egemendik kredittik reitingin Baa1 deńgeiinde saqtap, boljamyn «Turaqty» dep rastady, dep habarlaidy Ult.kz.
Halyqaralyq agenttik mundai sheshimdi eldiń tómen memlekettik qaryzy, oǵan qyzmet kórsetýdiń joǵary deńgeii jáne qomaqty fiskaldyq rezervteri arqyly syrtqy kúizelisterge tótep bere alý qabiletimen bailanystyrdy.
Moody's sarapshylarynyń aitýynsha, Qazaqstannyń ornyqty ekonomikalyq ósimi men daǵdarystarǵa beiimdelý múmkindigi de reitingti qoldap otyr.
Agenttik Salyq kodeksine engiziletin túzetýlerge nazar aýdardy. Onda korporativtik jáne tabys salyǵyn ózgertý, sondai-aq QQS mólsherlemesin arttyrý qarastyrylǵan.
2025 jyly biýdjet tapshylyǵy qalypty deńgeide saqtalady dep kútilýde. Al memlekettik qaryzdyń kólemi Baa sanatyndaǵy elder arasynda eń tómen kórsetkishterdiń biri bolyp qala beredi.
Moody's atap ótkendei, institýtsionaldyq jáne ekonomikalyq reformalardyń jalǵasýy Qazaqstannyń investitsiialyq tartymdylyǵyn arttyryp, ekonomikany ártaraptandyrý protsesin jedeldetýi múmkin.
