Búgin, 28 qarashada Mońǵoliianyń Ulan-Batyr qalasynda Qazaq kinosynyń kúnderi bastaldy. Eki kún boiy qazaqstandyq filmder kórsetiletin is-shara Qazaqstan Respýblikasynyń Tuńǵysh Prezidenti kúnine arnalǵan jáne «Rýhani jańǵyrý» memlekettik baǵdarlamasy aiasynda ótip jatyr, – dep habarlaidy «Ult aqparat».
Kinokórsetilimdi Qazaqstannyń Mońǵoliiadaǵy Elshiligi «Sháken Aimanov atyndaǵy «Qazaqfilm» AQ birlesip uiymdastyrýda, dep habarlaidy QazAqparat. Qazaq kinosynyń kúnderi 28 qarashada qazaqstandyq rejisser Rústem Ábdirashtyń túsirgen «Balalyq shaǵymnyń aspany» kórkem filminiń kórsetilimimen bastaldy.
Filmde ult kóshbasshysy N.Nazarbaevtyń tulǵasy men mineziniń qalyptasýy, onyń alǵashqy sátsizdikteri men jeńisteri, oryndalǵan úmitteri men armandary týraly baiandalady.
Sonymen qatar, is-shara aiasynda Mońǵoliia astanasynyń kórermenderi Ermek Tursynovtyń «Shyraqshy» jáne «Shal», Rústem Ábdirashtyń «Qazaq handyǵy: Altyn taq» jáne Aqan Sataevtyń «Anaǵa aparar jol» siiaqty kinotýyndylaryn tamashalaidy.
Jobanyń basty maqsaty qazaq halqynyń tarihy men dástúrin tanystyrý, mádeniet salasyndaǵy ekijaqty qatynasty nyǵaitý, sondai-aq Mońǵol kórermenderin Qazaqstannyń qazirgi kinomatografiiasymen tanystyrý bolyp tabylady.
