Mońǵoliia úkimeti el turǵyndaryna vaktsina egýdi 23 aqpannan bastaýdy josparlap otyr. Bul týraly búgin baspasóz konferentsiiasynda Mońǵoliia eliniń Densaýlyq saqtaý ministri S.Enhbold málimdedi, dep habarlaidy Montsame aqparat agenttigi.
Vedomstvo basshysynyń aitýynsha, 23 aqpannan bastap el azamattaryn vaktsinalaý boiynsha jospar quryldy.
«Qazirgi kezde biz vaktsinanyń tórt túrin importtaý týraly kelissózder júrgizýdemiz. Birinshi kezekte Mońǵoliia Pfizer jáne AstraZeneca vaktsinalaryn alady», - dedi S.Enhbold.
Ol sondai-aq -70 gradýs temperatýrada saqtalýy tiis Pfizer vaktsinasyna arnalǵan qoima jáne jabdyqtardyń tolyq daiyn ekenin qosyp ótti.
«El turǵyndarynyń 20 paiyzyna vaktsina Covax baǵdarlamasynyń qarjylandyrý esebinen egiledi, vaktsinalaýǵa turǵyndardyń jalpy alǵanda 60 paiyzy tartylady. El halqynyń qalǵan bóligin vaktsinalaý qarjylandyrýdyń basqa kózderinen júrgiziledi. Bul másele Qarjy ministrligi tarapynan tolyq sheshilip, maquldanǵan», - dedi ministr.
