Mońǵoliiada aǵylshyn tili negizgi shet tiline ainalady. Al aǵylshyn tili muǵalimderi shetelde bilim alady, dep jazady gazeta-n1.
Aǵylshyn tili 2024 jyldyń qyrkúieginen bastap mońǵol mektepterindegi negizgi shet tili bolady. Bul týraly eldiń jańa bilim ministri Pýrevsýrengiin Naranbaiar jańa oqý jylyna daiyndyq jónindegi keńeste málimdedi.
"Úshinshi synyptan bastap aǵylshyn tilin negizgi shet tili retinde oqytý biylǵy oqý jylynda 100 mektepte testilik rejimde bastalady. Pearson English baǵdarlamasy offlain jáne onlain túrde oqytylady", - dedi eldiń bilim ministri.
Ol aǵylshyn tili muǵalimderi magistr dárejesin alý úshin shetelde bilim alatynyn aitty. Buǵan deiin eki eldiń syrtqy ister ministrleri Mońǵoliianyń aǵylshyn tili muǵalimderin Filippinde oqytý týraly kelisimge kelgen bolatyn.
Sondai-aq, AQSh Memlekettik hatshysy Entoni Blinken Ulan-Batorǵa sapary barysynda Mońǵoliiada aǵylshyn tili ortalyǵyn qurý nieti týraly aitty.
.jpg)