Mońǵoliia astanasynda úsh kúnnen beri jappai narazylyq sherýleri ótip jatyr. Halyqtyń jappai kóshege shyǵyp, narazylyq bildirýine kómir eksportyndaǵy bylyqtar sebep bolǵan, - dep habarlaidy Tengrinews.kz tilshisi Sonin basylymyna silteme jasap.
Mońǵoliia astanasy Ulanbatyr qalasynyń basshysy Dolgorsýrengiin Sýmiaabazar qalanyń ortalyq alańy men Úkimet úiiniń mańyndaǵy narazylyq aktsiiasyna qatysýshylardy kúshpen taratý týraly jarlyq shyǵardy. Tiisti organdarǵa aktsiiaǵa qatysqandardy tynyshtyqqa shaqyrýǵa, qajet bolǵan jaǵdaida kúshtep taratý sharalaryn qoldaný tapsyryldy.
Ulanbatyrdaǵy sherýler beibit aiaqtalǵandyqtan, politsiiaǵa jinalǵandardy taratý úshin kúsh qoldanýdyń qajeti bolmaǵany atap ótildi. Osyǵan bailanysty qala ákimi qaýlysynyń kúshin joiý týraly ókim shyǵyp, politsiia qyzmetkerleri qyraǵylyqty tómendetti.
Sonymen qatar, Mońǵoliia prezidenti Ýhnaagiin Hýrelsýh elde tótenshe jaǵdai engizýdiń qajeti joq ekenin aitty. Ony premer-ministr Lývsannamsrein Oiýýn-Erdene qoldady.
