موڭعولييا استاناسىندا ٷش كٷننەن بەرٸ جاپپاي نارازىلىق شەرۋلەرٸ ٶتٸپ جاتىر. حالىقتىڭ جاپپاي كٶشەگە شىعىپ, نارازىلىق بٸلدٸرۋٸنە كٶمٸر ەكسپورتىنداعى بىلىقتار سەبەپ بولعان, - دەپ حابارلايدى Tengrinews.kz تٸلشٸسٸ Sonin باسىلىمىنا سٸلتەمە جاساپ.
موڭعولييا استاناسى ۇلانباتىر قالاسىنىڭ باسشىسى دولگورسۋرەنگيين سۋمياابازار قالانىڭ ورتالىق الاڭى مەن ٷكٸمەت ٷيٸنٸڭ ماڭىنداعى نارازىلىق اكتسيياسىنا قاتىسۋشىلاردى كٷشپەن تاراتۋ تۋرالى جارلىق شىعاردى. تيٸستٸ ورگاندارعا اكتسيياعا قاتىسقانداردى تىنىشتىققا شاقىرۋعا, قاجەت بولعان جاعدايدا كٷشتەپ تاراتۋ شارالارىن قولدانۋ تاپسىرىلدى.
ۇلانباتىرداعى شەرۋلەر بەيبٸت اياقتالعاندىقتان, پوليتسيياعا جينالعانداردى تاراتۋ ٷشٸن كٷش قولدانۋدىڭ قاجەتٸ بولماعانى اتاپ ٶتٸلدٸ. وسىعان بايلانىستى قالا ەكٸمٸ قاۋلىسىنىڭ كٷشٸن جويۋ تۋرالى ٶكٸم شىعىپ, پوليتسييا قىزمەتكەرلەرٸ قىراعىلىقتى تٶمەندەتتٸ.
سونىمەن قاتار, موڭعولييا پرەزيدەنتٸ ۋحنااگيين حۋرەلسۋح ەلدە تٶتەنشە جاعداي ەنگٸزۋدٸڭ قاجەتٸ جوق ەكەنٸن ايتتى. ونى پرەمەر-مينيستر لۋۆساننامسرەين ويۋۋن-ەردەنە قولدادى.
