Mońǵoliianyń Ulanbatyr qalasynda búgin, 11 aqpan jergilikti ýaqytpen tańǵy saǵat 6-dan bastap qatań karantin jariialandy, dep habarlaidy MONTsAME agenttigi.
Qalada kólik men adamnyń júrýine tyiym salynǵan, qozǵalys 90 paiyzǵa qysqartyldy. Bul - Ulanbatyrda koronavirýstyń taralýyn toqtatý úshin qabyldanǵan úshinshi qatań karantin.
Karantin kezinde «Bir páter – bir test» aktsiiasy uiymdastyrylyp, koronavirýs juqtyrǵan naýqastarmen tikelei nemese janama bailanysta bolǵan adamdar anyqtalyp, oqshaýlanady. Kún saiyn 35-40 myń adam COVID-19-dyń bar-joǵyn anyqtaityn test tapsyrady.
12 kúndik karantin kezinde strategiialyq mekemeler men 14 sala qyzmetin jalǵastyrady.
Sondai-aq bilik ókilderi ai kúntizbesi boiynsha keletin ulttyq jańa jyly Shaǵan (Tsagaan sar) merekesin toilaýǵa tyiym saldy. Biyl bul mereke 12 aqpanda bastalady, biraq el ishinde koronavirýs tarap jatqandyqtan Mońǵoliia ekinshi jyl qatarynan bul dástúrli merekeni toilamaidy. Byltyrǵydai qala jáne provintsiia turǵyndary merekeni úide otbasymen ǵana atap óte alady. Merekeni atap ótýge arnalǵan is-sharanyń bári toqtatyldy.
