8 jyl buryn Monblannan zúbarjat, jaqut jáne laǵyl tastar salynǵan qorap tapqan frantsýz alpinisi osy baǵaly tastardyń jartysyn alady. Bul qorap muzdyqtyń ústinde 1950 nemese 1966 jyldary Air India ushaǵy apatqa ushyraǵan kezde túsip qalýy múmkin, dep habarlaidy QazAqparat BBC-ge silteme jasap.
Esimi jariia etilmegen alpinist 2013 jyly Monblan taýyndaǵy muzdyqtan metall qorap taýyp alǵan. Baǵaly tastardyń janyndaǵy paketterde «Úndistanda jasalǵan» degen jazý bolǵan. Sondyqtan, frantsýz biligi onyń jarty ǵasyrdan astam ýaqyt buryn Monblanda apatqa ushyraǵan úndi laineriniń jolaýshylarynyń birine tiesili dep boljaǵan.
Baǵy bar alpinist Frantsiia zańyna sáikes, tapqan oljasyn politsiiaǵa alyp baryp, osy ýaqytqa deiin baǵaly zattardyń iesiniń týystary tabylar ma eken dep kútken. Biraq, olar tabylmady.
Endi, segiz jyldan keiin Shamoni kommýnasynyń biligi zańǵa sáikes alpinistpen baǵaly zattardy teńdei bólisken. Onyń árbir bóligi 150 myń eýro dep baǵalanyp otyr. Shamoni meri Erik Fýrne Frans-press agenttigine osy týraly aita otyryp, alpinisti zańǵa baǵynǵany úshin maqtap otyr.
Monblanda ótken ǵasyrda eki úndi laineri qulaǵan. 1950 jylǵy apattan 48 adam, 1966 jyly – 117 adam mert boldy.
Frantsiia biligi baǵaly tastardy Bombeiden (qazirgi Mýmbai) Niý-Iorkke ushqan ekinshi lainerdiń jolaýshysy ózimen birge alyp bara jatqan dep boljap otyr. Alpinister eki apattan keiin birneshe ýaqyt ótse de Monblannan júk qaldyqtary men adam súiekterin taýyp otyrǵan.
2012 jyly taý bókterinen Úndistannan dilomatiialyq poshta salynǵan qap tabylǵan edi. Onda 1966 jylǵy gazetter, kúntizbeler men jeke hattar bolǵan. 1966 jyly áýe apatynan úndi iadrolyq baǵdarlamasynyń ákesi Homi Djehangir Baba qaza tapqan.
