Moldova biligi Eýroodaqqa kirýge ótinish jiberedi, dep habarlaidy QazAqparat Euronews-ke silteme jasap.
Bul týraly respýblika prezidenti Maiia Sandý málim etti.
Onyń aitýynsha, bul eldiń negizgi maqsaty jáne óz bolashaǵyn EO quramynda kóretin azamattardyń tańdaýy.
Taiaýda eldiń syrtqy ister jáne eýropalyq integratsiia ministri Nikolai Popeský el basshylyǵy NATO-ǵa kirý máselesin qarastyrmaitynyn málimdegen edi.
Moldova birqatar mindettemeni moinyna alyp, 2014 jyly EO-men qaýymdastyq týraly kelisimge qol qoidy.
Grýziia premer-ministri Irakli Garibashvili Eýropalyq Odaqqa kirýge kandidat mártebesin berý týraly ótinishke qol qoidy.
Onyń málimdeýinshe, bul sheshim Grýziianyń eýropalyq integratsiia jolyndaǵy taǵy bir mańyzdy kezeńi bolmaq.
«Grýzin armany – Demokratiialyq Grýziia» bileýshi partiiasynyń basshysy Iraklii Kobahidze eldiń 2024 jyly ótinish berýdi josparlaǵanyn, biraq Eýroodaqqa shuǵyl júginýge sheshim qabyldaǵanyn atap ótti.
Biliktiń sheshimin oppozitsiialyq partiialardyń ókilderi de qoldady.
Olar eýropalyq seriktestermen tiimdi kelissóz júrgizý úshin birlesken jumys tobyn qurýdy usynyp otyr.
