Prezident Maiia Sandý Moldovanyń Dúniejúzilik densaýlyq saqtaý uiymynyń koronavirýsqa qarsy vaktsinany ádiletti úlestirýdi kózdeitin SOVAX halyqaralyq baǵdarlamasy arqyly vaktsina alǵanyn málimdedi. Moldova - SOVAX baǵdarlamasymen vaktsina jetkizilgen Eýropadaǵy alǵashqy el. Kishinevke vaktsinanyń 14 myń dozasy bar alǵashqy partiiasy 4 naýryzda jetken.
Batysshyl prezident Germaniia men Eýropanyń ózge músheleri jáne AQSh, Ulybritaniia, Kanada, Eýropa komissiiasyna "yntymaqtastyq" tanytyp, kómek kórsetkenine alǵys bildirdi.
4 naýryz kúngi málimdemesinde Dúniejúzilik densaýlyq saqtaý uiymy ókilderi Moldova halqynyń jartysy iaǵni, 1,7 mln turǵyndy vaktsinamen qamtamasyz etetindei COVAX arqyly vaktsina dozasy bólingenin aitty.
Álem elderi vaktsina úshin ábigerlik tanytyp jatqan shaqta Moldova birqatar qiyndyqtarǵa tap bolyp, gýmantarlyq kómekterdi jyly qabyldaǵan.
Ótken aptada Rýmyniia Moldovaǵa AstraZeneca kompaniiasynyń 21 600 dozasyn satyp áperip, gýmanitarlyq kómek kórsetken. Eýropadaǵy eń kedei el sanatyn Moldova sonyń nátijesinde vaktsinatsiia kompaniiasyn bastaǵan. Rýmyniia prezidenti Klaýs Iohannis jeltoqsan aiynda Eýroodaq bólgen kvotaǵa 200 myń vaktsina satyp áperýge ýáde bergen.
Sońǵy málimet boiynsha, Moldovada 191 myńnan astam adamnan koronavirýs anyqtalǵan, 4 myń adam qaitys bolǵan.
