video kadry
Astana qalasynyń Qoǵamdyq densaýlyq saqtaý basqarmasy «Irina Qairatovna» tobynyń mobilografy Jylqaidar Shahnazdyń ólimine sebep bolǵan aldyn ala diagnozdy jariialady, - dep habarlaidy "Ult aqparat".
"14 qazanda Jylqaidar Shahnazdyń denesi sot-meditsinalyq saraptama jumystaryn júrgizý úshin Sot saraptama institýtyna jetkizildi. Ólimniń aldyn ala sebebi — jedel gemorragiialyq pankreonekroz.
Ólimniń naqty sebebi toksikologiialyq zertteý nátijelerin alǵannan keiin belgili bolady. Zertteý jumystary eki aptaǵa deiin júrgiziledi" - delingen habarlamada.
Eske salaiyq, buǵan deiin «Irina Qairatovna» tobynyń Astanadaǵy kontsertinde mobilograf qaitys bolǵanyn habarlaǵan edik. Kýágerlerdiń sózinshe, jigit kenetten sahnada qulap qalǵan.
Keiinirek top músheleri sahnaǵa shyǵyp, qaraly habardy jetkizip, halyqtan keshirim suraǵan.
"Sizderdi kúttirgenimizge keshirim suraimyz, biraq bári bekerden beker emes. Aitýdyń ózi aýyr. Jańa ǵana mobilograf sahnada qulap qaldy, kórgen bolarsyzdar. Ol qaitys boldy. Sondyqtan qazir aldaryńyzda óner kórsete almaimyz", - dedi top músheleriniń biri.
