ۆيدەو كادرى
استانا قالاسىنىڭ قوعامدىق دەنساۋلىق ساقتاۋ باسقارماسى «يرينا قايراتوۆنا» توبىنىڭ موبيلوگرافى جىلقايدار شاحنازدىڭ ٶلٸمٸنە سەبەپ بولعان الدىن الا دياگنوزدى جارييالادى, - دەپ حابارلايدى "ۇلت اقپارات".
"14 قازاندا جىلقايدار شاحنازدىڭ دەنەسٸ سوت-مەديتسينالىق ساراپتاما جۇمىستارىن جٷرگٸزۋ ٷشٸن سوت ساراپتاما ينستيتۋتىنا جەتكٸزٸلدٸ. ٶلٸمنٸڭ الدىن الا سەبەبٸ — جەدەل گەمورراگييالىق پانكرەونەكروز.
ٶلٸمنٸڭ ناقتى سەبەبٸ توكسيكولوگييالىق زەرتتەۋ نەتيجەلەرٸن العاننان كەيٸن بەلگٸلٸ بولادى. زەرتتەۋ جۇمىستارى ەكٸ اپتاعا دەيٸن جٷرگٸزٸلەدٸ" - دەلٸنگەن حابارلامادا.
ەسكە سالايىق, بۇعان دەيٸن «يرينا قايراتوۆنا» توبىنىڭ استاناداعى كونتسەرتٸندە موبيلوگراف قايتىس بولعانىن حابارلاعان ەدٸك. كۋەگەرلەردٸڭ سٶزٸنشە, جٸگٸت كەنەتتەن ساحنادا قۇلاپ قالعان.
كەيٸنٸرەك توپ مٷشەلەرٸ ساحناعا شىعىپ, قارالى حاباردى جەتكٸزٸپ, حالىقتان كەشٸرٸم سۇراعان.
"سٸزدەردٸ كٷتتٸرگەنٸمٸزگە كەشٸرٸم سۇرايمىز, بٸراق بەرٸ بەكەردەن بەكەر ەمەس. ايتۋدىڭ ٶزٸ اۋىر. جاڭا عانا موبيلوگراف ساحنادا قۇلاپ قالدى, كٶرگەن بولارسىزدار. ول قايتىس بولدى. سوندىقتان قازٸر الدارىڭىزدا ٶنەر كٶرسەتە المايمىز", - دەدٸ توپ مٷشەلەرٸنٸڭ بٸرٸ.
