Búgin QR Qarjy ministrliginiń alqa májilisinde QR Premer-Ministriniń birinshi orynbasary Álihan Smaiylov otandyq mobildi qosymshalardy belsendi túrde ilgeriletýdi tapsyrdy, dep habarlaidy QazAqparat.
«El halqyna arnalǵan E-Salyq Azamat tegin mobildi qosymshany belsendi túrde ilgeriletý kerek. Biyl kásipkerler úshin «E-salyk-biznes» aqparattyq júiesin iske qosý óte mańyzdy. Ol kásipkerlerge ońai tirkelýge, avtomatty rejimde salyq tóleýge ári esep tapsyrýǵa múmkindik beredi», - dedi Úkimet basshysynyń birinshi orynbasary.
Onyń aitýynsha, banktik mobildi qosymshalar arqyly tutynýshylardan kásipkerlerge kelip túsetin aqsha aýdarymdaryn fiskaldandyrý problemasyn sheshýge erekshe nazar aýdarý kerek.
«Qolma-qol aqshasyz tólemder jaqsy qarqynmen damyp kele jatqanyn kórip otyrmyz. Sonymen birge, tiisti salyqty tóleýge mindetti kásipkerlerdiń qyzmetin salyq salýmen tolyqtai qamtý boiynsha mindet bar. Alaida, bul turǵyda qazirgi kezde kásipkerlerge usynylǵan jeńildikter eskerilýi kerek», - dedi Á. Smaiylov.
