بٷگٸن قر قارجى مينيسترلٸگٸنٸڭ القا مەجٸلٸسٸندە قر پرەمەر-مينيسترٸنٸڭ بٸرٸنشٸ ورىنباسارى ەليحان سمايىلوۆ وتاندىق موبيلدٸ قوسىمشالاردى بەلسەندٸ تٷردە ٸلگەرٸلەتۋدٸ تاپسىردى, دەپ حابارلايدى قازاقپارات.
«ەل حالقىنا ارنالعان ە-Salyq Azamat تەگٸن موبيلدٸ قوسىمشانى بەلسەندٸ تٷردە ٸلگەرٸلەتۋ كەرەك. بيىل كەسٸپكەرلەر ٷشٸن «ە-سالىك-بيزنەس» اقپاراتتىق جٷيەسٸن ٸسكە قوسۋ ٶتە ماڭىزدى. ول كەسٸپكەرلەرگە وڭاي تٸركەلۋگە, اۆتوماتتى رەجيمدە سالىق تٶلەۋگە ەرٸ ەسەپ تاپسىرۋعا مٷمكٸندٸك بەرەدٸ», - دەدٸ ٷكٸمەت باسشىسىنىڭ بٸرٸنشٸ ورىنباسارى.
ونىڭ ايتۋىنشا, بانكتٸك موبيلدٸ قوسىمشالار ارقىلى تۇتىنۋشىلاردان كەسٸپكەرلەرگە كەلٸپ تٷسەتٸن اقشا اۋدارىمدارىن فيسكالداندىرۋ پروبلەماسىن شەشۋگە ەرەكشە نازار اۋدارۋ كەرەك.
«قولما-قول اقشاسىز تٶلەمدەر جاقسى قارقىنمەن دامىپ كەلە جاتقانىن كٶرٸپ وتىرمىز. سونىمەن بٸرگە, تيٸستٸ سالىقتى تٶلەۋگە مٸندەتتٸ كەسٸپكەرلەردٸڭ قىزمەتٸن سالىق سالۋمەن تولىقتاي قامتۋ بويىنشا مٸندەت بار. الايدا, بۇل تۇرعىدا قازٸرگٸ كەزدە كەسٸپكەرلەرگە ۇسىنىلعان جەڭٸلدٸكتەر ەسكەرٸلۋٸ كەرەك», - دەدٸ ە. سمايىلوۆ.
