Qazirgi ýaqytta jelide jolaýshylar tasymalymen ainalysatyn jeke tulǵalardyń iaǵni taksi júrgizýshilerine mobildi aýdarymdardan bas tartyp, qolma-qol aqshaǵa kóshýge shaqyratyn aqparattar taralýda, dep habarlaidy QazAqparat Qarjy ministrliginiń baspasóz qyzmetine silteme jasap.
Bul oraida salyq zańnamasyna mobildi aýdarymdardy paidalanýǵa qatysty engizilgen ózgertýler, jeke tulǵalardyń jeke aýdarymdaryn /kásipkerlik maqsatta júzege asyrylatyn mobildi tólemderden/ bólýge arnalǵan. Olar biznes qaýymdastyqpen jáne banktermen birneshe ret talqylandy.
«Bul bastamalardyń maqsaty tsifrlyq keńistikte biznesti damytýdy kózdeidi, qolma-qol aqshaǵa kóshýdi múldem kózdemeitinin eskerińiz.
Munymen qosa, barlyq málimetter memlekettik kiris organdaryna beriledi eken degen aqparat ta negizsiz. Alańdaýǵa eshqandai negiz joq. 2022 jyldan bastap bankterden tek kásipkerlik shottaryna túsken tólemder týraly aqparat alý josparlanýda. Sondyqtan, jeke aýdarymdarǵa salyq salynbaidy.
Al eger siz jeke kásipker bolsańyz, salyq salý boiynsha ózińizge yńǵaily rejimdi tańdai alasyz.
Mysaly, taksi júrgizýshileri patent negizinde arnaiy salyq rejimin qoldana alady. Bul rejim tabysy jylyna 10 million 300 myń teńgeden aspaityn jaǵdaida ǵana qoldanylady.
Kassalyq apparattarǵa qatysty. Qazir birneshe mobildi qosymshalar bar. Kásipker onlain kassanyń mobildi nusqasyn júktep alyp, zańdy túrde paidalana alady.
Al salyq eseptiligi e-Salyq Business qosymshasyn engizý arqyly avtomatty túrde jasalady. Bul sharalardyń barlyǵy biznesti júrgizýdi odan ári jeńildetýge baǵyttalǵan.
Eske salaiyq, qabyldanǵan moratorii aiasynda jeke kásipkerler 2023 jylǵa deiin tabys salyǵyn tóleýden bosatylǵan.
Sondyqtan, qurmetti kásipkerler arandatýshylyqqa boi aldyrmai, ýákiletti organdardyń resmi aqparatyna ǵana senýge shaqyramyz», - delingen ministrliktiń habarlamasynda.
