Abai oblysynda aralas jekpe-jekten Aziia chempiony, 19 jastaǵy Nurmagambet Turarbekov jol-kólik oqiǵasy saldarynan kóz jumdy. Onymen birge eki dosy da qaza tapqan. Bul týraly Ult.kz Kriminalnyi Kazahstan telegram arnasyna silteme jasap habarlaidy.
Oqiǵa 2 qarasha tańerteń Omby – Maiqapshaǵai trassasynyń 615-shaqyrymynda bolǵan. Sportshylar Astanada ótken týrnirden keiin Semeige qaityp kele jatqan. Olar mingen «Toyota Avensis» kóligi «Howa» júk kóligimen soqtyǵysqan.
Soqtyǵysý saldarynan jeńil kóliktiń júrgizýshisi men eki jolaýshysy oqiǵa ornynda mert boldy.
«Atalǵan derek boiynsha QR Qylmystyq kodeksiniń 345-babynyń 4-bóligi – «Eki nemese odan da kóp adamnyń ólimine ákelgen jol qozǵalysy erejelerin buzý» boiynsha sotqa deiingi tergeý bastaldy. Saraptamalar taǵaiyndaldy», – dep habarlady Abai oblystyq politsiia departamenti.
