اباي وبلىسىندا ارالاس جەكپە-جەكتەن ازييا چەمپيونى, 19 جاستاعى نۇرماگامبەت تۇراربەكوۆ جول-كٶلٸك وقيعاسى سالدارىنان كٶز جۇمدى. ونىمەن بٸرگە ەكٸ دوسى دا قازا تاپقان. بۇل تۋرالى Ult.kz كريمينالنىي كازاحستان تەلەگرام ارناسىنا سٸلتەمە جاساپ حابارلايدى.
وقيعا 2 قاراشا تاڭەرتەڭ ومبى – مايقاپشاعاي تراسساسىنىڭ 615-شاقىرىمىندا بولعان. سپورتشىلار استانادا ٶتكەن تۋرنيردەن كەيٸن سەمەيگە قايتىپ كەلە جاتقان. ولار مٸنگەن «Toyota Avensis» كٶلٸگٸ «Howa» جٷك كٶلٸگٸمەن سوقتىعىسقان.
سوقتىعىسۋ سالدارىنان جەڭٸل كٶلٸكتٸڭ جٷرگٸزۋشٸسٸ مەن ەكٸ جولاۋشىسى وقيعا ورنىندا مەرت بولدى.
«اتالعان دەرەك بويىنشا قر قىلمىستىق كودەكسٸنٸڭ 345-بابىنىڭ 4-بٶلٸگٸ – «ەكٸ نەمەسە ودان دا كٶپ ادامنىڭ ٶلٸمٸنە ەكەلگەن جول قوزعالىسى ەرەجەلەرٸن بۇزۋ» بويىنشا سوتقا دەيٸنگٸ تەرگەۋ باستالدى. ساراپتامالار تاعايىندالدى», – دەپ حابارلادى اباي وبلىستىق پوليتسييا دەپارتامەنتٸ.
