«Syrym» avtokólik ótkizý pýnktinde, sondai-aq beitarap jolaqta (QR men RF avtokólik ótkizý pýnktteri arasyndaǵy qashyqtyq) júk avtokólik quraldarynyń keptelisi joq, dep habarlady QR QM Memlekettik kirister komitetiniń baspasóz qyzmeti.
Keptelis Resei Federatsiiasy tarapynan «Mashtakovo» avtokólik ótkizý pýnktine deiin paida boldy. Qolda bar aqparatqa sáikes, keptelistiń uzyndyǵy shamamen 7 shaqyrymdy quraidy.
«Syrym» avtokólik ótkizý pýnktine kelgen júrgizýshilerdiń aitýynsha, kepteliske aýa-raiynyń qolaisyzdyǵy jáne «Mashtakovo» avtokólik ótkizý pýnktindegi jol tóseminiń nasharlyǵy sebep bolǵan.
«Syrym» avtokólik ótkizý pýnktinde 300 júk avtokólik quralynyń keptelisi týraly aqparat rastalmaǵan jáne shyndyqqa sáikes kelmeidi.
Bul aqparatty Batys Qazaqstan oblysy boiynsha Sybailas jemqorlyqqa qarsy strategiiany syrtqy taldaý jáne baǵalaý arnaiy monitoringtik toby basshysynyń orynbasary B.Lavrentev aitty.
«Memlekettik kirister organdarynyń laýazymdy adamdary «Syrym» avtokólik ótkizý pýnktinde óz qyzmetin kúsheitilgen rejimde júzege asyrýda, Qazaqstan Respýblikasy tarapynan avtokólik quraldarynyń keptelisi joq», - dep tolyqtyrdy Memlekettik kirister komitetinen.
