Búgin Qazaqstannyń halyqaralyq qatynastar jónindegi keńesi Japoniia Elshiligimen birge «Shyǵys Aziianyń qazirgi jaǵdaiy jáne onyń Ortalyq Aziiaǵa áseri» taqyrybynda vebinar ótkizdi, dep habarlaidy QazAqparat.
Japoniia Ministrler kabinetiniń arnaiy keńesshisi, «Canon Institute for Global Studies» institýtynyń direktory Miiake Kýnihiko Qazaqstannyń geosaiasaty týraly, bul turǵyda Japoniia Qazaqstanǵa qalai qaraityny týraly dáris oqyp, BAQ ókilderiniń suraqtaryna jaýap berdi.
«Geosaiasat degen – qandaida bir memlekettiń geografiia turǵysynan qaraǵanda qaýipsizdigin zertteitin ǵylym. Memleketterdiń strategiiasy óte qarapaiym qaǵilalarǵa negizdelýi kerek. Birinshi, shekaralas memlekettermen durys qarym-qatynasta bolý. Ekinshi, araqashyqty saqtaý. Úshinshi, teńiz arqyly bailanys túrlerin saqtap qalý. Osy jaǵynan alyp qaraǵanda Qazaqstan Japoniia úshin óte mańyzdy ról atqarady. Qazaqstan qazba bailyqtaryna bai, beibitshiligi men turaqtylyǵy bar, gúldenip kele jatqan memleket», - deidi Miiake Kýnihiko.
Onyń aitýynsha, Qazaqstan Sovet odaǵy ydyraǵannan keiin aimaqtaǵy turaqtylyqty saqtap qala aldy.
«Qurlyqtaǵy memleketterdiń strategiiasy ártúrli. Bizdiń memleketterdiń geografiialyq ornalasýy ártúrli bolǵanmen, ortaq maqsaty bar, ol - memleketti damytyp, bai ári erkin el bolý. Halyqaralyq qatynastan habary bar árbir adam Ortalyq Aziianyń, Qazaqstannyń mańyzdylyǵyn sózsiz túsinedi. Sol sebepti Sovet odaǵy ydyraǵanan keiin kóptegen memleket nazaryn Ortalyq Aziiaǵa aýdardy. Ekonomikalyq turǵyda ózge memlekettiń nazaryn ózińe aýdartý úshin aldymen tarihi, mádeni jáne salt-dástúr qundylyqtaryn saqtap qalý kerek. Japoniialyqtar Uly Jibek jolyna qyzyǵýshylyqpen qaraidy. Olardy osyǵan nazar aýdarta otyryp qarym-qatynas qurýǵa bolady, biraq bul elshiler qolǵa alatyn másele», - deidi ol.
Zoom platformasynda ótken sharaǵa Elbasy qorynyń janyndaǵy Álemdik ekonomika jáne saiasat institýty jáne Filosofiia institýtynyń sarapshylary, QR Syrtqy ister ministrligi, QR-daǵy Japoniia elshiliginiń ókilderi, elimizdegi JOO-nyń stýdentteri men BAQ ókilderi qatysty.
