Orys pravoslav shirkeýiniń ókili Máskeý jáne Búkil Rýs patriarhy Kirilldiń quttyqtaýyn oqyp berdi, dep habarlaidy Sputnik Qazaqstan tilshisi.
"Ókinishke qarai, ekstremister men terrorister jalǵan dini urandarmen jazyqsyz jandardyń ómirin qiiýda. Olardyń bar maqsaty - halyqtyń birligin buzý. Mundai áreketterge jaýap retinde biz ekstremizmge jol joq ekenin qaitalap aitamyz. Etene yntymaqtasa otyryp jumys istegende ǵana terrorizmmen kúres tiimdi bolady. Biz áskeri qaqtyǵystar saldarynan ziian shekken Siriia men Irakty qalpyna keltirý jumysyna qatysyp, óz úlesimizdi qosýymyz kerek", — dep oqyp berdi Orys pravoslav shirkeýi Máskeý patriarhaty syrtqy shirkeý bailanysy bóliminiń tóraǵasy mitropolit Volokolamskii Ilarion álemdik jáne dástúrli dinder kóshbasshylarynyń VI sezinde.
Ol memleketterdiń basqa elderdiń ishki isine aralasýy tártipsizdik pen soǵysqa jol ashyp, ekonomikalyq,áleýmettik jáne akademiialyq qurylymdy buzatynyn atap ótti.
"Biz terroristerdiń aýzynan qasietti jazbalardan úzip alynǵan sózderdi estimiz, alaida kez kelgen dini oqý zorlyq-zombylyqty aiyptaidy. Terrorister dini kiimge oranyp júrse de, shaitannyń quldary bolyp qala beredi",- dedi mitropolit.
