Ishki ister ministriniń birinshi orynbasary Marat Qojaev quqyq qorǵaý organdary qyzmetkerleriniń narazylyq aktsiialary kezinde sabyrlylyq tanytyp, arnaiy qurylǵylar paidalanbaǵanyn aitty, dep habarlaidy Sputnik Qazaqstan.
Onyń aitýynsha, Nur-Sultan men Almatydaǵy mitingiler "Qazaqstannyń demokratiialyq tańdaýy" (Qazaqstanda tyiym salynǵan ekstremistik uiym) qozǵalysynyń bastamasymen uiymdastyryldy. Al osy uiymnyń jetekshileri azamattarǵa shetelden nusqaý berip otyrǵan.
"Uiymnyń belsendileri jappai úgit-nasihat júrgizdi. Árine, ondai jumystar halyqqa áser etpei qoimaidy. Sonyń nátijesinde adamdar zańsyz mitingke shyqty. Al jeke quram barynsha ustamdy bolyp, arańdatýshylyq áreketterge boi bergen joq", - dedi Qojaev jýrnalisterge bergen suhbatynda.
Onyń sózine qaraǵanda, mitingter kezinde arnaiy-qural jabdyqtar paidalanylǵan joq.
"Árine, biz áleýmettik jelilerge monitoring júrgizdik. "Qazaqstannyń demokratiialyq tańdaýynyń" chattaryn da qarap otyrdyq. Shetelden túsken nusqaýlarǵa da taldaý jasadyq. Sondyqtan olardyń 10-y kúni de kóshege shyǵatynyn bildik. Chattarda otyrǵan belsendiler san alýan arandatý joldaryn usyndy. Olar iri kóshelerdiń qozǵalysyn jabýǵa, tipti, quqyq qorǵaýshylarǵa qatysty kúsh qoldanýǵa úndedi", - dep atap kórsetti Qojaev.
Ol sailaý kúni ishki ister organdarynyń 20 myńǵa jýyq qyzmetkeri eldegi tártipti qamtamasyz etkenin atap ótti.
Aita keteiik, 9-10 maýsym kúnderi Nur-Sultan men Almaty qalalarynda zańsyz mitingiler kezinde 700-ge jýyq adam ustalǵan.
Birinshi kúni 500 adam ustalsa, 10 maýsymda taǵy 200 adam ishki ister organdaryna jetkizildi, dep habarlady vedomstvo.
10 maýsym kúni Qasym-Jomart Toqaev sherýge shyqqandarmen dialog ornatýǵa daiyn ekenin aitqan bolatyn.
"Iá, shynymen, Almaty men elordada bir top azamat narazylyǵyn bildirý úshin kóshege shyqty. Qazaqstan Respýblikasynyń zańnamasy turǵysynan qarasaq, bas prokýratýranyń eskertýine qaramastan, atalǵan áreketter zańsyz dep saralanýy múmkin. Elimizde bostandyq bar ma degenge toqtalsam, Qazaqstanda bostandyq bar", - dedi Toqaev.
Ol narazylyq sherýleri kezinde keibir azamattar politsiia qyzmetkerlerin ádeii arandatqannan keiin, olardyń tarapynan qajetti sharalar qabyldanǵanyn aitty.
