Ishki ister ministri Erlan Turǵymbaev 9-13 maýsym kúnderi iri qalalarda tirkelgen halyqtyń mitingterine qatysty pikirin bildirdi, dep habarlaidy QazAqparat.
«9 maýsymnan 13 maýsymǵa deiin QR qalalarynda sanktsiialanbaǵan miningter boldy. Bas prokýratýra men Ishki ister ministrliginiń birneshe ret eskertýine qaramastan, sanktsiialanbaǵan mitingke shyqqan azamattar mitingter men demonstratsiialar týraly zańdy buzdy. Ol zańda mitingti uiymdastyryp, oǵan shyǵý úshin azamattardyń jergilikti atqarýshy organdarǵa ótinim jazýy kerektigi, ruqsat berilgen jaǵdaida atalǵan mitingterdi ótkizý kerektigi naqty jazylǵan», - dedi Erlan Turǵymbaev Úkimet otyrysynan keiin tilshilerdiń suraǵyna jaýap bere otyryp.
Ministrdiń aitýynsha, baqtar men mádeni sharalar ótetin oryndarda jaǵdai kúrdelenip, josparlanǵan sharalar ótpei qalǵan.
«Jol qozǵalysy shektelip, Respýblika dańǵylynda tórt saǵat boiy qozǵalys toqtady. Bul jaǵdai azamattardyń mazasyn ketirdi. Sol sebepti, quqyq qorǵaý organdary, onyń ishinde politsiia qyzmetkerleri atalǵan shielenisti retteý, quqyqtyń qorǵalýyn saqtaý boiynsha sharalardy qabyldady. Politsiia kúshteri, artynsha ulttyq gvardiia jumyldyryldy», - dedi ol.
Onyń aitýynsha, miting kezinde tártip saqshylary jaraqat alǵan.
«Bárin de ózderińiz kórdińizder. Video men fotoda politsiiaǵa qalai shabýyl jasalyp jatqanyn, qalqandardy teýip jatqanyn, tartyp, soǵyp jatqanyn kórdińizder. Negizinen kóbi jeńil jaraqattar. Bas mi jaraqaty, jilinshiktiń synýy jaǵdailary kezdesti. Sebebi, dene jaraqattary taiaqtan, armatýra men tastan kelip jatty. Keibir azamattar osylardy paidalanyp, jaǵdaidy ýshyqtyrǵysy keldi.
"Úsh júzden astam politsiia qyzmetkeri dene jaraqatyn aldy. Olardyń altaýy qazir gospitalde jatyr. Bul tsifrdy biz buǵan deiin jariia etpep edik, alǵash ret aityp turmyn», - dedi ol.
Ministrdiń aitýyna qaraǵanda, politsiiaǵa arnaiy quraldardy - gaz qarýyn, dýbinka men ózge de zattardy paidalanbaý týraly pármen berilgen.
«Qazaqstandyq politsiia olardy qoldanbady. Tek shielenisti retteý úshin fizikalyq kúsh paidalanyldy. 4 myńǵa tarta adam ustalyp, 3 saǵattyń ishinde 3 myńy bosatyldy. 677 adam sot arqyly arqyly ákimshilik qamaýǵa alyndy. 305-ne aiyppul salyndy», - dedi ministr.
