Nursultan Nazarbaev Ózbekstan Respýblikasynyń Prezidenti Shavkat Mirziioevpen telefon arqyly sóilesti, dep habarlaidy "Ult aqparat" Elbasynyń resmi saityna silteme jasap.
Shavkat Mirziioev Qazaqstannyń Tuńǵysh Prezidentin týǵan kúnimen quttyqtap, zor densaýlyq, baqyt pen Qazaqstan halqynyń múddesi jolyndaǵy jaýapty qyzmetine jańa jetistikter tiledi.
Ózbekstan Prezidenti Nursultan Nazarbaev óz eliniń kóshbasshysy, tiimdi reformalardyń negizin salýshy, álemdik qoǵamdastyq moiyndaǵan jahandyq bastamalardyń avtory, sondai-aq Qazaqstan-Ózbekstan strategiialyq seriktestik qatynastarynyń irgesin qalaýshy retinde úlken qurmetke ie bolǵanyn atap ótti.
Elbasy Shavkat Mirziioevke jyly lebizderi úshin rizashylyǵyn bildirip, baýyrlas eki el arasyndaǵy dostyq pen tatý kórshilik qatynastardy joǵary baǵalady.
