Ózbekstanda tanymal bloger Aleksei Garshin "Ozod Vatan" partiiasynyń quryltai sezin ótkizýge daiyndalyp júrgenin habarlady. Bloger prezident Shavkat Mirziiaevtiń "Shovvozsoi" qupiia rezidentsiiasyn tapqan.
YouTube-arnasyna jariialanǵan videoda belsendi Ózbekstanda halyq partiiasyn qurǵysy keletinin málimdedi.
Ozodlik radiosyna suqbat bergen Garshin partiiany uiymdastyrý komiteti jasaqtalǵanyn, onyń jiyrmadan astam múshesi baryn aitty, dep jazady Azattyq.
Bunyń aldynda tanymal dramatýrg Sanjarali Imamov "Ozod Vatan" partiiasyn qurý jónindegi uiymdastyrý jumystary bastalǵanyn habarlaǵan.
Bloger Aleksei Garshinniń aitýynsha, jaqynda partiianyń alǵashqy sezi ótedi.
– Zańǵa sáikes, uiymdastyrý komitetine kem degende elý adam jinaýymyz kerek. Ázirge jiyrma adam bar, – deidi Garshin.
Zań boiynsha, uiymdastyrý komiteti qurylǵan kúnnen bastap úsh ai jumys istei alady. Al saiasi partiia quryltai sezinde nemese konferentsiiada qurylady.
Ózbekstanda prezident sailaýy biyl 24 qazanda ótedi.
Ázirge eki oppozitsiialyq partiia – demokratiialyq "Erk" partiiasy men jaqynda paida bolǵan sotsial-demokratiialyq "Hakikat va tarakkiiot" ("Aqiqat pen Damý") partiiasy – kúzdegi sailaýǵa óz kandidatýrasyn usynatynyn málimdedi.
Alaida Ózbekstannyń ádilet ministrligi eki oppozitsiialyq partiiany da tirkeýden bas tartty.
Bloger Aleksei Garshin prezident Shavkat Mirziiaevtiń "Shovvozsoi" qupiia rezidentsiiasy qaida ornalasqanyn birinshi bolyp jariialaǵan. Ol rezidentsiia týraly málimeti áleýmettik jelilerde qyzý talqylandy.
