Ózbekstan prezidenti Shavkat Mirziiaev 16 qazanda Tashkentke jumys babymen kelgen Sheshenstan basshysy Ramzan Qadyrovty qabyldady, dep habarlady Ózbekstan prezidentiniń baspasóz hatshysy.
Kezdesýde áriptestikti damytýdyń bolashaǵy talqylandy. Saýdany damytý, ortaq baǵdarlamalardy birlesip júzege asyrý, ekonomikalyq jáne mádeni-gýmanitarlyq salalardaǵy jobalardy keńeitý máselelerine kóńil bólindi.
Kezdesýde ózbek basshysynyń Reseige sapary kezinde joǵary deńgeide qabyldanǵan qujattar eki el aimaqtarynyń áriptestigin damytýǵa tyń serpin bergeni aityldy.
Sheshenstan basshysy Shavkat Mirziiaevqa Ózbekstanǵa saparyn uiymdastyryp, qurmettep kútkenine alǵysyn bildirdi. Ol ákesi Ahmat qajy Qadyrov bilim alǵan tarihi islam órkenietine saparlap kelgenine rizashylyǵyn aitty.
Jergilikti baspasózdiń habarlaýynsha, Ramzan Qadyrov 16 qazanda ózbektiń belgili din mamany Muhammad Sadyq Muhammad Iýsýftyń ziratyna bardy. Ol Sheshenstan respýblikasynyń alǵashqy prezidenti Ahmat Qadyrovtyń ustazy bolǵan.
