Kelesi jyldan bastap Ózbekstannyń memlekettik organdaryna jumysqa alý, jańa qyzmetke taǵaiyndaý kezinde shet tilin bilý mindetti bolmaq. Bul jóninde Azattyqtyń Ózbek qyzmeti habarlady.
Shet tilderin úiretý júiesin jetildirý jónindegi videokonferentsiia kezinde Ózbekstan prezidenti Shavkat Mirziiaev osyndai málimdeme jasady.
Jiyn kezinde ol aýyl sharýashylyǵyndaǵy klaster júiesin úlgi ete otyryp, shet tilderin úiretkende de klaster júiesin qoldaný kerek dedi.
"Jumysqa alý kezinde shet tilin bilý mindetti. Budan bylai hokimder (ákimder – Red.) shet tilin bilýi tiis" dedi Mirziiaev.
Onyń aitýynsha, shet tilin jaqsy biletin qyzmetkerlerge jalaqyǵa qosymsha 20 paiyz ústemaqy tólenedi.
6 mamyrda ótken jáne bir videokonferentsiia kezinde Mirziiaev ministrler kabinetiniń janynan shet tilderin úirený agenttigi qurylatynyn habarlaǵan.
Ózbekstan prezidentiniń naqty qai tilder týraly aityp otyrǵany belgisiz.
