Ózbekstan prezidenti Shavkat Mirzieev Qaraqalpaqstandaǵy tártipsizdikterdi sheteldik zulym kúsh uiymdastyrǵanyn aitty, - dep habarlaidy Tengrinews.kz agenttigi Nuz.uz portalyna silteme jasap.
"Árine, munda bolǵan keleńsiz oqiǵalar bárimizdi alańdatady. Núkis qalasyndaǵy oqiǵalar saldarynan, amal ne, turǵyndar qaza taýyp, zardap shekti. Osyǵan bailanysty jaqyndarynan aiyrylǵan otbasylarǵa shyn júrekten kóńil aitamyn. Sondai-aq zardap shekkender tezirek saýyǵyp ketýin tileimin", - dedi Ózbekstan prezidenti.
Ol osyndai sátterde beibitshilik pen adam ómiri qanshalyqty qymbat ekenin túsinetinin aitty.
"Árine, bul tolqýlar bir kún ne on kún ishinde uiymdastyrylǵan joq. Bul áreketterdi sheteldik zulym kúshter jyldar boiy daiyndaǵan. Olardyń negizgi maqsaty - Ózbekstannyń aýmaqtyq tutastyǵyna qol suǵý jáne ultaralyq qaqtyǵys týdyrý", - dedi Mirzieev.
