Minsk qalasyndaǵy (Belarýs Respýblikasy) Ianka Kýpala atyndaǵy Memlekettik ádebi mýzeiinde Abaidyń «Jidebai-Bórili» memlekettik tarihi-mádeni jáne ádebi-memorialdyq mýzei-qoryǵynyń arnaiy kórmesi ashyldy, dep habarlaidy Ult.kz.
Kórme QR Mádeniet jáne aqparat ministrliginiń qoldaýymen Abai Qunanbaiulynyń týǵanyna 180 jyl tolýyna orai uiymdastyryldy.
Ekspozitsiiada Abaidyń túpnusqa shyǵarmalary, turmystyq zattary jáne aqynnyń rýhani jáne shyǵarmashylyq murasyna bailanysty jádigerler qoiylǵan.
Kórmeniń ashylýyna Qazaqstan Respýblikasynyń Belarýs Respýblikasyndaǵy Tótenshe jáne Ókiletti Elshisi Timýr Jaqsylyqov, Belarýs Respýblikasy Mádeniet ministriniń birinshi orynbasary Dmitrii Shliahtin, sondai-aq birqatar memleketterdiń elshileri men qyzmetkerleri qatysty.
Is-shara barysynda jazýshy, Muhtar Áýezovtiń «Abai joly» roman-epopeiasyn aýdarǵan Mihail Pozdniakov mýzeige arnaiy belarýs tilindegi nusqasyn tabystady.
Bul kórme Qazaqstan men Belarýs arasyndaǵy mádeni yntymaqtastyqtyń mańyzdy oqiǵasyna ainalyp, uly oishyldyń rýhani murasyn nasihattaýǵa jáne halyqtar arasyndaǵy mádeni bailanysty nyǵaitýǵa baǵyttaldy. Ekspozitsiia bir ai boiy jumys isteidi.
