Biylǵy 4 aida respýblikalyq biýdjetten 5,6 trln teńge jumsaldy jáne 8 mlrd teńge únemdeldi, dep habarlaidy QazAqparat.
Bul týraly QR Premer-Ministriniń orynbasary – Qarjy ministri Erulan Jamaýbaev Úkimet otyrysynda aitty.
«Memlekettik biýdjettiń shyǵystary 98,8%-ke, respýblikalyq biýdjettiń shyǵystary – 99,4%-ke, jergilikti biýdjetterdiń shyǵystary 98,5%-ke atqaryldy. Respýblikalyq biýdjet boiynsha 5,6 trln teńge jumsaldy», - dedi Qarjy ministri.
Sonymen birge, atqarylmai qalǵan 31 mlrd teńgeniń 8 mlrd teńgesi únemdelgen, al 23 mlrd teńgesi igerilmei qalǵan.
«Ásirese Qarjy, Mádeniet jáne sport, Qorǵanys jáne Ishki ister ministrlikterinde igerilmeý kóp baiqalady. Onyń negizgi sebepteri: shart jasasý rásimderin uzaq júrgizý, tólemniń negizdiligin rastaityn qujattardyń bolmaýy nemese usynylmaýy, qazynashylyq organdaryna tóleýge beriletin shottardy kesh usyný, oryndalǵan jumystardyń aktileri men shot – faktýralardyń ýaqtyly usynylmaýy, memlekettik satyp alý konkýrstarynyń ótkizilmeýi», - dep túsindirdi ol.
Jergilikti biýdjet shyǵystary 2,7 trln teńgeni quraǵan jáne 42 mlrd teńge igerilmei qalǵan.
