- QR Qarjy ministrligi Memlekettik kirister komitetiniń ekonomikalyq tergeýler qyzmeti Ýkraina azamaty Maksim Blajkýnnyń Qazaqstanda qarjy piramidasyn iske qosýy máselesine qatysty túsinik berdi, dep habarlaidy Ult.kz tilshisi QazAqparat agenttigine silteme jasap.
«Qazaqstan Respýblikasynyń aýmaǵynda «Evart Corporation» kompaniiasy qyzmetine jáne Blajkýn Maksimge qatysty aqparat bizde joq»,-dep atap ótilgen vedomstvonyń QazAqparatqa bergen jaýabynda.
Aita keteiik, budan buryn áleýmettik jeliler men internet-portaldarda Maksim Blajkýn Qazaqstanda kezekti qarjy piramidasyn qurǵandyǵy jáne ol Ýkrainada óziniń qarjylyq qýlyq-sumdyqtarymen tanymal ekendigi týraly aqparat taraǵan bolatyn.
Budan buryn habarlanǵandai, 2016 jyly QR QM Memlekettik kirister komitetiniń ekonomikalyq tergeýler qyzmetiniń óndirisinde QR QK 217 baby boiynsha (qarjylyq piramidany qurý men oǵan basshylyq etý) 15 qylmystyq is boldy, qazirgi kezde onyń ishinde úsh qylmystyq is aiasyna tergeý aiaqtalyp, aiyptaý aktisimen sotqa jiberildi. Al 12 qylmystyq is turǵysynda sotqa deiingi óndiris jalǵasýda.
Komitettiń habarlaýynsha, barlyq «qarjy piramidalaryna» tán ortaq belgiler bar kórinedi. Osy oraida olar joǵary tabystylyqty, kez kelgen jaǵdaida aqsha kiristiligi bolatyndyǵyna ýáde beredi, sonymen qatar tanys adamdar arqyly jarnama jasaý, túrli treningterdi júrgizý sekildi qadamdar baiqalady. Budan bólek, uiymnyń qarjylyq jaǵdaiy týraly aqparat bolmaidy, aqshalai tólemder jańa qatysýshylardy tartý esebinen iske asyrylady, sondai-aq qandai da bir óndiristerdiń nemese negizgi jeke qarjysynyń bolmaýy anyq kórinedi. Jańadan kelgen adamdarǵa uiymda mansaptyń satyda jyldam kóterilý týraly ýádeler beriledi.
