- قر قارجى مينيسترلٸگٸ مەملەكەتتٸك كٸرٸستەر كوميتەتٸنٸڭ ەكونوميكالىق تەرگەۋلەر قىزمەتٸ ۋكراينا ازاماتى ماكسيم بلاجكۋننىڭ قازاقستاندا قارجى پيراميداسىن ٸسكە قوسۋى مەسەلەسٸنە قاتىستى تٷسٸنٸك بەردٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«قازاقستان رەسپۋبليكاسىنىڭ اۋماعىندا «Evart Corporation» كومپانيياسى قىزمەتٸنە جەنە بلاجكۋن ماكسيمگە قاتىستى اقپارات بٸزدە جوق»,-دەپ اتاپ ٶتٸلگەن ۆەدومستۆونىڭ قازاقپاراتقا بەرگەن جاۋابىندا.
ايتا كەتەيٸك, بۇدان بۇرىن ەلەۋمەتتٸك جەلٸلەر مەن ينتەرنەت-پورتالداردا ماكسيم بلاجكۋن قازاقستاندا كەزەكتٸ قارجى پيراميداسىن قۇرعاندىعى جەنە ول ۋكراينادا ٶزٸنٸڭ قارجىلىق قۋلىق-سۇمدىقتارىمەن تانىمال ەكەندٸگٸ تۋرالى اقپارات تاراعان بولاتىن.
بۇدان بۇرىن حابارلانعانداي, 2016 جىلى قر قم مەملەكەتتٸك كٸرٸستەر كوميتەتٸنٸڭ ەكونوميكالىق تەرگەۋلەر قىزمەتٸنٸڭ ٶندٸرٸسٸندە قر قك 217 بابى بويىنشا (قارجىلىق پيراميدانى قۇرۋ مەن وعان باسشىلىق ەتۋ) 15 قىلمىستىق ٸس بولدى, قازٸرگٸ كەزدە ونىڭ ٸشٸندە ٷش قىلمىستىق ٸس اياسىنا تەرگەۋ اياقتالىپ, ايىپتاۋ اكتٸسٸمەن سوتقا جٸبەرٸلدٸ. ال 12 قىلمىستىق ٸس تۇرعىسىندا سوتقا دەيٸنگٸ ٶندٸرٸس جالعاسۋدا.
كوميتەتتٸڭ حابارلاۋىنشا, بارلىق «قارجى پيراميدالارىنا» تەن ورتاق بەلگٸلەر بار كٶرٸنەدٸ. وسى ورايدا ولار جوعارى تابىستىلىقتى, كەز كەلگەن جاعدايدا اقشا كٸرٸستٸلٸگٸ بولاتىندىعىنا ۋەدە بەرەدٸ, سونىمەن قاتار تانىس ادامدار ارقىلى جارناما جاساۋ, تٷرلٸ ترەنينگتەردٸ جٷرگٸزۋ سەكٸلدٸ قادامدار بايقالادى. بۇدان بٶلەك, ۇيىمنىڭ قارجىلىق جاعدايى تۋرالى اقپارات بولمايدى, اقشالاي تٶلەمدەر جاڭا قاتىسۋشىلاردى تارتۋ ەسەبٸنەن ٸسكە اسىرىلادى, سونداي-اق قانداي دا بٸر ٶندٸرٸستەردٸڭ نەمەسە نەگٸزگٸ جەكە قارجىسىنىڭ بولماۋى انىق كٶرٸنەدٸ. جاڭادان كەلگەن ادامدارعا ۇيىمدا مانساپتىڭ ساتىدا جىلدام كٶتەرٸلۋ تۋرالى ۋەدەلەر بەرٸلەدٸ.
