QR Densaýlyq saqtaý ministrligi koronavirýs boiynsha karantinge jatýdan bas tartqan áielge qatysty jaǵdaidy túsindirdi, dep habarlaidy "Ult aqparat".
Atalmysh oqiǵanyń jai-japsaryn Densaýlyq saqtaý ministrligi óziniń Facebook-paraqshasynda jazdy.
«Áleýmettik jeliler men messendjerlerde karantinda bolýdan bas tartyp otyrǵan Jambyl oblysynda turatyn áiel týraly aqparat paida boldy. Bul týraly málimet Jambyl oblystyq Densaýlyq saqtaý basqarmasyna biylǵy jyldyń 8 naýryzynda kelip túsken. T. esimdi azamatshamen eki saǵattyń ishinde bailanys ornatylyp, QR zańnamasyna sáikes karantin rejimin saqtaý qajettiligi týraly túsindirý jumystary júrgizildi. 8 naýryzda meditsinalyq qyzmetkerler áieldi 14 kúndik karantinge japty. Búginde onyń jaǵdaiy qanaǵattanarlyq, dene qyzýy qalypty, aýrýdyń klinikalyq belgileri baiqalmady», - delingen habarlamada.
Atap óteiik, eki aptaǵa sozylatyn karantin kezinde karantin ornynan ketýge bolmaidy. Tulǵanyń rejimdi buzý jaǵdaiynda onyń ákimshilik jaýapqa tartylýy qarastyrylǵan.
