قر دەنساۋلىق ساقتاۋ مينيسترلٸگٸ كوروناۆيرۋس بويىنشا كارانتينگە جاتۋدان باس تارتقان ەيەلگە قاتىستى جاعدايدى تٷسٸندٸردٸ, دەپ حابارلايدى "ۇلت اقپارات".
اتالمىش وقيعانىڭ جاي-جاپسارىن دەنساۋلىق ساقتاۋ مينيسترلٸگٸ ٶزٸنٸڭ Facebook-پاراقشاسىندا جازدى.
«ەلەۋمەتتٸك جەلٸلەر مەن مەسسەندجەرلەردە كارانتيندا بولۋدان باس تارتىپ وتىرعان جامبىل وبلىسىندا تۇراتىن ەيەل تۋرالى اقپارات پايدا بولدى. بۇل تۋرالى مەلٸمەت جامبىل وبلىستىق دەنساۋلىق ساقتاۋ باسقارماسىنا بيىلعى جىلدىڭ 8 ناۋرىزىندا كەلٸپ تٷسكەن. ت. ەسٸمدٸ ازاماتشامەن ەكٸ ساعاتتىڭ ٸشٸندە بايلانىس ورناتىلىپ, قر زاڭناماسىنا سەيكەس كارانتين رەجيمٸن ساقتاۋ قاجەتتٸلٸگٸ تۋرالى تٷسٸندٸرۋ جۇمىستارى جٷرگٸزٸلدٸ. 8 ناۋرىزدا مەديتسينالىق قىزمەتكەرلەر ەيەلدٸ 14 كٷندٸك كارانتينگە جاپتى. بٷگٸندە ونىڭ جاعدايى قاناعاتتانارلىق, دەنە قىزۋى قالىپتى, اۋرۋدىڭ كلينيكالىق بەلگٸلەرٸ بايقالمادى», - دەلٸنگەن حابارلامادا.
اتاپ ٶتەيٸك, ەكٸ اپتاعا سوزىلاتىن كارانتين كەزٸندە كارانتين ورنىنان كەتۋگە بولمايدى. تۇلعانىڭ رەجيمدٸ بۇزۋ جاعدايىندا ونىڭ ەكٸمشٸلٸك جاۋاپقا تارتىلۋى قاراستىرىلعان.
