QR Ishki ister ministrligi Murathan Toqmádidiń sensatsiialyq málimdemesine bailanysty arnaiy tekserý jumystaryn júrgizetin bolady. Bul jaiynda QR IIM Memlekettik til jáne aqparat departamentiniń direktory Almas Sadýbaev aitty, dep habarlaidy "Ult aqparat".
«Buǵan deiin Murathan Toqmádi atalǵan fakti boiynsha Ishki ister ministrligine júgingen emes. Erjan Artyqbaev 2010 jyly IIM Tergeý komitetiniń Áskeri-tergeý basqarmasy bóliminiń bastyǵy laýazymynda zeinetke shyǵyp, ishki ister organdarynan bosatyldy. Aǵymdaǵy jyldyń 24 qazanyndaǵy M.Toqmádidiń BAQ-taǵy málimdemesine orai IIM Ózindik qaýipsizdik departamenti ózge de quqyq qorǵaý organdarymen ózara is-qimyl jasai otyryp, sáikesinshe tekserý júrgizetin bolady», - dedi Almas Sadýbaev.
Aita ketsek, «KTK» telearnasy ázirlegen «Zvali ego Mýrka» dep atalatyn filmniń ekinshi bóliginde sottalǵan biznesmen Murathan Toqmádi «Turanálem bankiniń» burynǵy basshysy Erjan Tátishovti qashqyn biznesmen Muhtar Ábilázovtiń tapsyrysy boiynsha óltirgendigin moiyndaǵan edi.
Qylmystyq isti Erjan Artyqbaev basshylyq jasaǵan QR IIM-niń jedel tergeý tobyna berdi. Odan maǵan túzý niet tanytýǵa, tutqyndaý túrinde shara qoldanbaýǵa jáne tergeý barysynda kómek kórsetýge kóndirýge tyrystym. Ol úshin Artyqbaevqa hatqaltaǵa salynǵan aqsha qarajatyn berdim. Menińshe, 20 myń dollar», - degen edi film barysynda M.Toqmádi.
