Eńbek, áleýmettik qorǵaý jáne kóshi-qon komitetiniń Almaty oblysy boiynsha aýmaqtyq departamenti Talǵar qalasynyń №4 meditsinalyq–áleýmettik saraptama (MÁS) bóliminiń qyzmetkerlerine qatysty qyzmettik tergeý júrgizedi, dep habarlaidy QR Eńbek jáne halyqty áleýmettik qorǵaý ministrligi baspasóz qyzmeti.
«Tekserý №4 MÁS bóliminiń qyzmet alýshylarynyń qyzmetkerlerdiń olarmen dóreki qarym-qatynas jasaýyna shaǵymdary negizinde bastalǵan. Árbir jaǵdaidy qaraý barysynda MÁS barlyq bólimderinde ornatylǵan jabdyqta júrgiziletin aýdio taspalar jáne beinejazbalar paidalanylatyn bolady. Tekserý nátijeleri týraly qosymsha habarlanady», - delingen habarlamada.
Buǵan deiin departamenttiń ádisnama jáne baqylaý bólimi №4 MÁS bóliminde kýálandyrýdan ótken jáne onda múgedek dep tanylmaǵan 5 azamattyń shaǵymy boiynsha kýálandyrý júrgizdi. Shaǵymdanǵan jaǵdailardy qaraý nátijeleri boiynsha qorytyndylar negizdi dep tanyldy, óitkeni meditsinalyq qujattardy obektivti qaraý jáne taldaý kezinde azamattarda organizm fýnktsiialarynyń turaqty buzylýy jáne tirshilik áreketiniń shektelýi anyqtalǵan joq.
