Shymkentte adamdar ýlanǵan balmuzdaq úi jaǵdaiynda jasalǵan. Bul týraly QR Densaýlyq saqtaý ministrligi Qoǵamdyq densaýlyqty qorǵaý komitetiniń habarlamasynda aitylǵan, - dep habarlaidy "Ult aqparat".
"QR Densaýlyq saqtaý ministrligi Qoǵamdyq densaýlyqty qorǵaý komitetiniń Ońtústik Qazaqstan boiynsha departamenti Shymkenttegi adamdardyń jappai ýlanýyn teksere bastady. 2018 jyldyń 29 naýryzynan 30-na qaraǵan túni Shymkent aýrýhanasyna 61 adam ýlaný qaýpi boiynsha qaraldy. 41 adam aýrýhanaǵa jatqyzyldy (onyń ishinde 20 bala), 20 adamǵa ambýlatoriialyq em taǵaiyndaldy. Aldyn ala diagnoz ótkir ishek infektsiiasy jáne taǵamdyq toksikoinfektsiia", - delingen habarlamada.
Ýlanǵan adamdardyń balmuzdaqty Respýblika dańǵylynda M. Eshmuratova atty jeke kásipkerge tiesili orynnan alǵany aitylyp otyr.
"Aldyn ala málimet boiynsha balmuzdaq qospasy úi jaǵdaiynda daiyndalǵan. Osyǵan bailanysty tekseris jumystary bastaldy. Eshmuratova óziniń kásibin bastaǵanyn memlekettik organdarǵa habarlamaǵan. Zardap shekkenderge qajetti kómek kórsetilip jatyr", - deidi baspasóz qyzmetiniń ókilderi.
Jaǵdai QR Densaýlyq saqtaý ministrilginiń qadaǵalaýynda. soynmen qatar, Shymkenttiń Ál-Farabi aýdandyq IIB bul derekke qatysty is qozǵady.
