Foto: kolesa.kz
Ishki ister ministrligi ókilderi sheteldik kólikterdi zańdastyrýdan keiin josparly tekserý júrgiziletinin málimdedi, - dep habarlaidy Tengrinews.kz portaly.
"Kólikterge júrgiziletin reidterge keletin bolsaq, rasynda da, bizdiń qyzmetkerler bul týraly bir kezderi aitqan edi. Biraq áńgime jol qozǵalysy erejelerin buzýdy anyqtaý týraly emes, jol qozǵalysy erejeleri boiynsha barlyǵy teń jáne bári birdei oryndalýy kerek. Biz shetelde tirkelgen kólikterdi maqsatty túrde anyqtamaitynymyztýraly áńgime boldy, óitkeni bul másele boiynsha biryńǵai ustanym bolǵan joq. Búgin ol anyqtaldy", - dedi OKQ brifinginde Ishki ister ministriniń orynbasary Igor Lepeha.
Eske salaiyq, sheteldik avtokólikterdi bir rettik zańdastyrý 2023 jylǵy 23 qańtarda, dúisenbide bastalady.
Onyń aitýynsha, sheteldik kólikterdi zańdastyrý aiaqtalǵansha reidter júrgizilmeidi.
"Birden eskertemin, zańdastyrý aiaqtala salysymen biz "Zańdy júrgizýshi" reidin júrgizemiz. Sodan keiin shetelde tirkelgen barlyq kólikti qujattarynyń bar-joǵyn, qujattarǵa sáikesin tekseremiz jáne olardyń nege áli tirkelmegenin anyqtaimyz", - dep túiindedi ol.
Kórsetilgen qaǵidalarda avtomobilder qandai jaǵdailarda 200 000 teńge mólsherinde alym mólsherlemesin tólei otyryp jáne ýtil alymnan bosatyla otyryp, jariia etilýge jatatyn naqty ólshemsharttar belgilengen.
Ol úshin birinshiden, kólik 2022 jylǵy 1 qyrkúiekke deiin elge ákelinýi kerek.
Ekinshi - izdeýde bolmaýy qajet;
Úshinshi - basqa memlekette burynǵy tirkelgen jeri boiynsha esepten shyǵarylǵan bolýy qajet;
Tórtinshi - kedendik "tazartýdan" ótý.
