QR Densaýlyq saqtaý ministrligi maska taǵý nemese taqpaý rejimin qalai baqylanatynyn túsindirdi, dep habarlaidy "Ult aqparat".
Maska taqpaǵany úshin tulǵalardy ákimshilik jaýapkershilikke tartý tártibi Qazaqstan Respýblikasynyń «Ákimshilik quqyq buzýshylyq týraly» kodeksinde jazylǵan.
«Jeke tulǵalarǵa (azamattarǵa) karantindik sharalardy saqtamaǵany úshin ákimshilik jaýapkershilikke tartý týraly dáleldemeler jinaýdy (áleýmettik qashyqtyq, adamdar kóp jinalatyn jerlerde maskasyz júrý jáne t.b.) baqylaý toptarynyń quramynda ishki ister organdary jáne jergilikti politsiia qyzmeti júrgizedi», - delingen habarlamada.
Odan keiin ÁQBtK-niń 425-babynyń 1-bóligimen ákimshilik is qozǵaý úshin materialdardy Taýarlar men qyzmetterdiń sapasyn baqylaý komitetiniń aýmaqtyq bólimshelerine beriledi
«Prokýratýra organdary memlekettik organdar men uiymdardyń karantindik sharalardy oryndaý kezinde azamattar men kásipkerlik sýbektileriniń quqyqtarynyń, bostandyqtary men zańdy múddeleriniń saqtalýyn baqylaýdy qamtamasyz etedi. 5 shildeden bastap óz qyzmetin qaita bastaǵan menshiktiń ártúrli nysandarynyń qyzmetin, sondai-aq jeke tulǵalardyń karantin talaptaryn saqtaýyn baqylaý maqsatynda óńirlerde politsiia qyzmetteri, ákimdikter, «Atameken» UKP, sanitarlyq-epidemiologiialyq qyzmet ókilderi, volonterler kiretin 779 monitoringtik top quryldy», - delingen habarlamada.
