QR Densaýlyq saqtaý ministrliginiń resmi ókili Baǵdat Qojahmetov sońǵy 3 aptada elimizde koronavirýs indetin juqtyrý derekterin aitty, dep habarlaidy "Ult aqparat".
Onyń sózine qaraǵanda, PTR synaq teris nátije kórsetken, iaǵni koronavirýs infektsiiasynyń belgileri bar pnevmoniia boiynsha 1-24 tamyz aralyǵynda 22 744 naýqas tirkeldi. 4 519 naýqas jazylyp shyqty, 258 adam qaitys boldy.
«Sońǵy 3 aptadaǵy jaǵdaidy salystyrmaly túrde jetkizsem, tamyzdyń 3-9-y aralyǵynda 7 108 adam koronavirýsty juqtyrǵan. 222 adam qaitys boldy. PTR test teris nátije kórsetken 7 940 jaǵdai tirkelgen. 122 adam kóz jumdy. Al tamyzdyń 10-16-sy aralyǵynda jaǵdai birshama ózgerdi. Iaǵni, COVID-19 virýsyn 3 995 adam juqtyrdy. 151 adam qaitys boldy. PTR test teris nátije kórsetken 5 344 jaǵdai tirkeldi, onyń ishinde 64 adam qaitys boldy. Sońǵy aptada, tamyzdyń 17-23-i aralyǵynda COVID-19 indetin 1 685 adam juqtyrdy, 108 adam qaitys boldy. 4 138 adamnyń PTR testinen teris nátije anyqtalyp, onyń arasynda taǵy 40 adam kóz jumdy», - dedi ol Ortalyq kommýnikatsiialar qyzmetindegi brifing barysynda.
